Actualitats
Rugbi de XIII: los Diablotins desarmats contra los Dragons
Los Diables de Salfòrd foguèron despassats per l’èime catalan: èran just en format “diablotins”!
Alan Roch
Lo voide restontissiá dins l’estadi Brutus sens public quand montèron las nòtas d’Els Segadors aqueste dissabte 17 d’abril. L’imne catalan marcava lo retorn dels Dragons sus lor pelena. Los Diables Roges de Salford avián fait lo morre per venir, pretextant las condicions impausadas pel desplaçament. Doblidavan just qu’es lo regim
dels Dragons obligats d’anar regularament en Anglatèrra, comprés quand cèrts rescontres son d'en primièr previstas a domicili, coma pel torn venent de Cup.
Los catalans mestregèron la partida amb un Sam Tomkins un còp de mai omnipresent, una soliditat defensiva de fèrre, la carnièra que saupèt orientar lo jòc, de davants qu’avançavan. Los Diables foguèron despassats per l’èime catalan: èran just en format “diablotins”! A la sortida, una larga victòria pels Dragons: 42-6 amb 7 ensages marcats. Rendètz-vos novèl aqueste dissabte 24 a Brutus: la venguda dels Lops de Warrington que los Sang e Aur tornaràn trapar 15 jorns pus tard en quart de Cup.
Hull KR bat los Gigants d’Huddersfield al punt en aur: 25-24. Leigh s’avisa de las dificultats de la Superliga: desfaita fàcia a Castleford: 52-16. Wakefield encaissa un 34-6 a St Helens.
Elèit 1: novèla jornada incompleta
Doas partidas de mai se son ajustadas a la tièra bèla dels repòrts en rason del coronavirus. Las doas jornadas de ratrapatge previstas sufiràn pas per espongar lo retard: Sent Gaudenç n’es a tres de manca.
Dissabte, Carcassona dominèt aisidament una formacion de Vilanòva rejovenida: 42-14. Los jogaires de Palau s’ofriguèron una victòria al defòra del costat d’Albi: 24-14.
Dimenge, Limós faguèt un pas de mai cap a la quatrena plaça mercé a una victòria aisida fàcia a Tolosa: 11 ensages marcats, 10 transformats per un 64-0!
Son al programa de la dimenjada qu’arriba: Lesinhan-Vilanòva, Dragonets-Abi, Palau-St Gaudenç.
NRL: los Dògols sens cròcs
Alara que Penrith signa sa seisena victòria (20-12 a Brisbane), los Dògols de Canterbury demòran la sola formacion sens cap de victòria amb una desfaita suplementària sus la pelena de l’estadi nòu de Townsville fàcia als Vaquièrs: 30-18. Bèla performància de Parramatta que va ganhar a Canberra: 35-10.
Alan Roch
dels Dragons obligats d’anar regularament en Anglatèrra, comprés quand cèrts rescontres son d'en primièr previstas a domicili, coma pel torn venent de Cup.
Los catalans mestregèron la partida amb un Sam Tomkins un còp de mai omnipresent, una soliditat defensiva de fèrre, la carnièra que saupèt orientar lo jòc, de davants qu’avançavan. Los Diables foguèron despassats per l’èime catalan: èran just en format “diablotins”! A la sortida, una larga victòria pels Dragons: 42-6 amb 7 ensages marcats. Rendètz-vos novèl aqueste dissabte 24 a Brutus: la venguda dels Lops de Warrington que los Sang e Aur tornaràn trapar 15 jorns pus tard en quart de Cup.
Hull KR bat los Gigants d’Huddersfield al punt en aur: 25-24. Leigh s’avisa de las dificultats de la Superliga: desfaita fàcia a Castleford: 52-16. Wakefield encaissa un 34-6 a St Helens.
Elèit 1: novèla jornada incompleta
Doas partidas de mai se son ajustadas a la tièra bèla dels repòrts en rason del coronavirus. Las doas jornadas de ratrapatge previstas sufiràn pas per espongar lo retard: Sent Gaudenç n’es a tres de manca.
Dissabte, Carcassona dominèt aisidament una formacion de Vilanòva rejovenida: 42-14. Los jogaires de Palau s’ofriguèron una victòria al defòra del costat d’Albi: 24-14.
Dimenge, Limós faguèt un pas de mai cap a la quatrena plaça mercé a una victòria aisida fàcia a Tolosa: 11 ensages marcats, 10 transformats per un 64-0!
Son al programa de la dimenjada qu’arriba: Lesinhan-Vilanòva, Dragonets-Abi, Palau-St Gaudenç.
NRL: los Dògols sens cròcs
Alara que Penrith signa sa seisena victòria (20-12 a Brisbane), los Dògols de Canterbury demòran la sola formacion sens cap de victòria amb una desfaita suplementària sus la pelena de l’estadi nòu de Townsville fàcia als Vaquièrs: 30-18. Bèla performància de Parramatta que va ganhar a Canberra: 35-10.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari