Actualitats
Fotbòl: dotze clubs presentan la Superliga Europèa
L’UÈFA, las ligas de fotbòl anglesa, espanhòla e italiana e la FIFA an menaçat publicament de fòrabandir de lors competicions los clubs e los jogadors qu’i participarián
Tèxte legit
Dotze clubs de fotbòl europèu fòrça importants anoncièron dimenge de ser la creacion d’una nòva competicion esportiva, la Superliga Europèa, qu’aurà doas competicions, masculina e femenina, çò rapòrta The New York Times.
Los clubs fondadors son l’AC Milan, Arsenal, l’Atlético de Madrid, l’FC Chelsea, lo Barça, l’Inter de Milan, la Juventus de Turin, Liverpool, Manchester City, Manchester United, lo Real Madrid e Tottenham. Son, doncas, sièis esquipas de la Premier League anglesa, tres de la liga espanhòla e tres de la liga italiana.
Segon lo comunicat, la liga serà governada pels clubs proprietaris e serà formada de quinze clubs fondadors. Aquò vòl dire qu’i a encara de plaça per tres autres clubs; i poirián èsser lo Bayern de Munic e lo París Saint-Germain.
Los clubs an anonciat l’intencion de contunhar de jogar lors ligas respectivas, mas las federacions an menaçat de los expulsar. Concretament, l’UÈFA, las ligas de fotbòl anglesa, espanhòla e italiana e la FIFA an menaçat publicament de fòrabandir de lors competicions los clubs que participan a la creacion de la nòva competicion privada amb los clubs de l’elèit del fotbòl europèu. A mai, menaçan tanben d’exclure de las seleccions nacionalas los jogadors de las esquipas que jogarián dins la Superliga. An tanplan manifestat lor refús de la Superliga l’Associacion dels Clubs Europèus, presidida per Andrea Agnelli, president de la Juventus de Turin, qu’es una de las esquipas implicadas dins la creacion de la Superliga.
Emmanuel Macron e Boris Johnson
Dins lo domeni politic, Emmanuel Macron e Boris Johnson son estats los primièrs dirigents a declarar lor oposicion al projècte e a defendre las competicions estatalas.
Lo projècte d’una Superliga europèa s’alestís dempuèi longtemps. Mas una competicion al marge de las estructuras fins ara establidas es considerada coma un perilh fòrça important per l’UÈFA, de sòrta que, se faguèsse de sas menaças una realitat, lo rambalh seriá màger.
Los clubs fondadors son l’AC Milan, Arsenal, l’Atlético de Madrid, l’FC Chelsea, lo Barça, l’Inter de Milan, la Juventus de Turin, Liverpool, Manchester City, Manchester United, lo Real Madrid e Tottenham. Son, doncas, sièis esquipas de la Premier League anglesa, tres de la liga espanhòla e tres de la liga italiana.
Segon lo comunicat, la liga serà governada pels clubs proprietaris e serà formada de quinze clubs fondadors. Aquò vòl dire qu’i a encara de plaça per tres autres clubs; i poirián èsser lo Bayern de Munic e lo París Saint-Germain.
Los clubs an anonciat l’intencion de contunhar de jogar lors ligas respectivas, mas las federacions an menaçat de los expulsar. Concretament, l’UÈFA, las ligas de fotbòl anglesa, espanhòla e italiana e la FIFA an menaçat publicament de fòrabandir de lors competicions los clubs que participan a la creacion de la nòva competicion privada amb los clubs de l’elèit del fotbòl europèu. A mai, menaçan tanben d’exclure de las seleccions nacionalas los jogadors de las esquipas que jogarián dins la Superliga. An tanplan manifestat lor refús de la Superliga l’Associacion dels Clubs Europèus, presidida per Andrea Agnelli, president de la Juventus de Turin, qu’es una de las esquipas implicadas dins la creacion de la Superliga.
Emmanuel Macron e Boris Johnson
Dins lo domeni politic, Emmanuel Macron e Boris Johnson son estats los primièrs dirigents a declarar lor oposicion al projècte e a defendre las competicions estatalas.
Lo projècte d’una Superliga europèa s’alestís dempuèi longtemps. Mas una competicion al marge de las estructuras fins ara establidas es considerada coma un perilh fòrça important per l’UÈFA, de sòrta que, se faguèsse de sas menaças una realitat, lo rambalh seriá màger.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo fotbòl ? Qu'es aquò ?
Ròcabrun tanpauc i participarà pas !
Ja n'i a pron de competicions perquè encara ne posen una altra. An de suspendre al Madridota e a tots sos jugadors que non pugan jugar mai més. Pardals !
Nòva importanta: Ièras (83) vèn d'anonciar que refusa d'i participar.
E a la fin, es aquel qu'a lo mai de moneda que ganha ?
E la gloriosa incertesa de l'espòrt ?
En Copa de França, Canet de Rosselló jòga contra Montpelhièr…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari