La Fondacion Greta Thunberg farà un don de 100 000 èuros al programa COVAX de l’Organizacion Mondiala de la Santat (OMS) per mandar de vaccins als païses que los pòdon pas pagar. La quita jove activista suedesa a denonciadas las inegalitats entre los païses rics, ont se s’es vaccinat una persona sus quatre, e los païses paures, ont la proporcion es d’una persona sus mai de 500. “Avèm los mejans de corregir l’enòrme desequilibri qu’existís uèi dins lo Mond dins la lucha contra la covid-19. Totparièr coma amb lo cambiament climatic, nos cal ajudar primièr los pus vulnerables.”
 
La Fondacion Greta Thunberg se creèt en decembre de 2019 en seguida d’un prèmi d’un milion de coronas suedesas (aperaquí 100 000 èuros) autrejat pel Right Livelihood Award, conegut coma lo prèmi Nobel alternatiu.
 
Lo programa COVAX es una iniciativa publica e privada, qu’i  participan divèrses organismes al costat de l’OMS amb la tòca d’assegurar los vaccins als païses paures. Après lo blocatge d’Índia a l’exportacion dels vaccins d’AtraZeneca e las estrategias comercialas dels païses rics amb las societats farmaceuticas per s’assegurar mai de vaccins.
 

 

About 1 in 4 people in high-income countries have received a COVID-19 vaccine, compared with just 1 in more than 500 in low-income countries.
My foundation will donate €100000 to support COVAX to ensure a more equitable global COVID-19 vaccine distribution. #VaccineEquitypic.twitter.com/JKxZC4s8F7

— Greta Thunberg (@GretaThunberg) April 19, 2021