Actualitats
La primièra cellula artificiala que se duplica plan
La cellula es pas viva, mas es un organisme sintetic unicellular qu’agís coma se foguèsse una cellula provesida de vida
La sciéncia creèt d’un biais revolucionari çò que pòt èsser un saut gigantàs en biologia: foguèt creada la primièra cellula artificiala que se pòt replicar a ela meteissa coma se foguèsse una cellula viva. La cellula es pas viva, mas es un organisme sintetic unicellular qu’agís coma se foguèsse una cellula provesida de vida, una realizacion jamai atencha fins ara.
Per ben capitar, calguèt mai de cinc annadas de trabalh e recèrca d’una còla internacionala de scientifics. La resulta es una cellula artificiala que pòt provocar, a l’encòp, l’espelida de plusors cellulas filhas artificialas semblablas a la primièra e que pòdon ajudar puèi a la tròba d’una malautiá.
Per ansin, poiriá èsser tras qu’utila per luchar contra las malautiás que pòt patir l’èsser uman. Totun, encara demorarà, segon los cercaires, mai d’un an per la poder plan desvolopar.
Segon çò que foguèt publicat dins lo numeric Cell, la còla que trabalhèt sus aquesta descobèrta poguèt doncas ara crear aquela nòva cellula artificiala, nomenada JCVI-syn3A, que se pòt devesir e multiplicar coma se foguèsse una cellula viva, e aquela division cellulara sintètica poiriá ben entraïnar la fabricacion de noiridura pel còrs uman, en mai d’èsser una aisina fantastica per luchar contra las malautiás.
Una vertadièra revolucion genetica
La comunautat scientifica balancèt pas per qualificar aquela cellula artificiala coma un pas de gigant dins lo mond de l’engenhariá genetica actuala. E, malgrat que la resulta del trabalh d’aquela còla paresca pas granda, semblariá qu’o poguèsse ben èsser dins l’avenidor mai pròche. La cellula artificiala creada ten mens de 500 gèns. A respècte d’una cellula umana, seriá doncas plan limitada, car aquesta ne pòt téner fins a 30 000.
Tot comencèt fa mai de cinc ans, quora aquela còla scientifica poguèt crear dins un laboratòri lo primièr organisme sintetic unicellular amb sonque 472 gèns. Pasmens, aquel primièr organisme genetic artificial reagissiá d’una manièra estranha, car a l’ora de créisser e se devesir, creava d’autres organismes genetics artificials diferents, çò es amb de mesuras desparièras.
Puèi, los cercaires poguèron identificar sèt nous gèns que caliá emplegar dins aquel procès per qu’aqueste foncionèsse plan. La basa de la nòva cellula artificiala foguèt lo dich microplasma, amb un nòu ADN sintetizat al laboratòri. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Per ben capitar, calguèt mai de cinc annadas de trabalh e recèrca d’una còla internacionala de scientifics. La resulta es una cellula artificiala que pòt provocar, a l’encòp, l’espelida de plusors cellulas filhas artificialas semblablas a la primièra e que pòdon ajudar puèi a la tròba d’una malautiá.
Per ansin, poiriá èsser tras qu’utila per luchar contra las malautiás que pòt patir l’èsser uman. Totun, encara demorarà, segon los cercaires, mai d’un an per la poder plan desvolopar.
Segon çò que foguèt publicat dins lo numeric Cell, la còla que trabalhèt sus aquesta descobèrta poguèt doncas ara crear aquela nòva cellula artificiala, nomenada JCVI-syn3A, que se pòt devesir e multiplicar coma se foguèsse una cellula viva, e aquela division cellulara sintètica poiriá ben entraïnar la fabricacion de noiridura pel còrs uman, en mai d’èsser una aisina fantastica per luchar contra las malautiás.
Una vertadièra revolucion genetica
La comunautat scientifica balancèt pas per qualificar aquela cellula artificiala coma un pas de gigant dins lo mond de l’engenhariá genetica actuala. E, malgrat que la resulta del trabalh d’aquela còla paresca pas granda, semblariá qu’o poguèsse ben èsser dins l’avenidor mai pròche. La cellula artificiala creada ten mens de 500 gèns. A respècte d’una cellula umana, seriá doncas plan limitada, car aquesta ne pòt téner fins a 30 000.
Tot comencèt fa mai de cinc ans, quora aquela còla scientifica poguèt crear dins un laboratòri lo primièr organisme sintetic unicellular amb sonque 472 gèns. Pasmens, aquel primièr organisme genetic artificial reagissiá d’una manièra estranha, car a l’ora de créisser e se devesir, creava d’autres organismes genetics artificials diferents, çò es amb de mesuras desparièras.
Puèi, los cercaires poguèron identificar sèt nous gèns que caliá emplegar dins aquel procès per qu’aqueste foncionèsse plan. La basa de la nòva cellula artificiala foguèt lo dich microplasma, amb un nòu ADN sintetizat al laboratòri. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari