Una jurada populara de Minnesòta a considerat que Derek Chauvin èra colpable de murtre. L’èx-policièr es acusat d’aver tuat George Floyd en l’estofant amb lo genolh sul còl lo mes de mai de l’an passat. Ara, es lo jutge Peter Cahill, del comtat d’Hennepin, que deurà prononciar sa senténcia e establir una pena per Chauvin.
 
Chauvin l’an jutjat per murtre al segond gra, murtre al tresen gra e omicidi al segond gra per aver causat la mòrt del ciutadan afroamerican qu’aviá arrestat arunan a Minneapòlis. Aquel crime foguèt enregistrat en vidèo e a brandit lo Mond entièr. Dins un enregistrament vidèo se pòt veire Chauvin, alavetz policièr, qu’escana Floyd amb son genolh pendent mai d’una minuta del temps que Floyd crida socors e ditz que pòt pas respirar. De fach, aquela frasa “I can’t breath” (pòdi pas respirar) es venguda lo crit mai getat dins las manifestacions antiracistas als Estats Units. La mòrt de Floyd descadenèt las protèstas del movement #BlackLivesMatter, que lo president d’alavetz, Donald Trump, criminalizèt e la polícia reprimiguèt.
 
 
Tres setmanas de procès
 
Lo jutjament de Chauvin s’es debanat en tres setmanas. De desenas de testimònis i an declarat dont d’agents de la polícia e d’expèrts medicals. Lo procès a tanplan vist d'oras d’enregistraments vidèo.
 
Lo ministèri public argumentèt que Chauvin aviá fach un usatge excessiu e irracional de la fòrça e que Floyd moriguèt per manca d’oxigèn. Per contra, l’avocat a ensajat de convéncer la jurada que i aviá un dobte rasonable sus la causa de la mòrt car podiá èsser una malautiá cardiaca de Floyd o quitament lo fum de las veituras.
 
Abans de prene sa decision, la jurada a deliberat pendent doas jornadas.
 



 

Today, a jury in Minnesota found former Minneapolis Police Officer Derek Chauvin guilty of murdering George Floyd. The verdict is a step forward. And while nothing can ever bring George Floyd back, this can be a giant step forward on the march towards justice in America. — President Biden (@POTUS) April 20, 2021   Today, a jury did the right thing. But true justice requires much more. Michelle and I send our prayers to the Floyd family, and we stand with all those who are committed to guaranteeing every American the full measure of justice that George and so many others have been denied. pic.twitter.com/mihZQHqACV — Barack Obama (@BarackObama) April 20, 2021