Actualitats
Subremalescasuda Superliga europèa de fotbòl
Après lo retirament de totas las esquipas anglesas, l’Atlético de Madrid e l’Inter de Milan se’n van tanben e Juventus e Barça mòstran de dobtes
Tèxte legit
La Superliga europèa de fotbòl es venguda una supermalescasuda. Après la retirada de totas las esquipas anglesas, l’Atlético de Madrid, la Juventus e l’Inter de Milan se’n van e lo Barça a exprimit de dobtes sul projècte. Lo vicepresident de la competicion, Andrea Agnelli, qu’es lo president de la Juventus, assolidèt ièr a Reuters que lo projècte èra pas viable e mai contunhèsse d’èsser “convencut de sa beutat”.
Anonciada dimenge de ser, dos jorns puèi la nòva competicion europèa de fotbòl afrontèt sa primièra crisi grèva, que ne pòt representar la fin. Las menaças e las pressions de l'UÈFA, de la FIFA e de las federacions, de las ligas, dels principals govèrns europèus e dels suportaires britanics compeliguèron los sièis clubs angleses que ne fasián partida a quitar lo projècte.
Intervencion de la justícia espanhòla
Mentretant, un tribunal de justícia de Madrid enebiguèt dimars passat a l'UÈFA e a la FIFA qu’entreprenguèsson “cap de mesura qu’enebiguèsse, restrenguèsse, limitèsse o condicionèsse d’un biais dirècte o indirècte la Superliga europèa de fotbòl”.
De mençonar que lo president de la Superliga es Florentino Pérez, un òme d’afars, ancian politician e actual president del Real Madrid, que possedís una fortuna estimada a 1,8 miliard d’èuros.
Anonciada dimenge de ser, dos jorns puèi la nòva competicion europèa de fotbòl afrontèt sa primièra crisi grèva, que ne pòt representar la fin. Las menaças e las pressions de l'UÈFA, de la FIFA e de las federacions, de las ligas, dels principals govèrns europèus e dels suportaires britanics compeliguèron los sièis clubs angleses que ne fasián partida a quitar lo projècte.
Intervencion de la justícia espanhòla
Mentretant, un tribunal de justícia de Madrid enebiguèt dimars passat a l'UÈFA e a la FIFA qu’entreprenguèsson “cap de mesura qu’enebiguèsse, restrenguèsse, limitèsse o condicionèsse d’un biais dirècte o indirècte la Superliga europèa de fotbòl”.
De mençonar que lo president de la Superliga es Florentino Pérez, un òme d’afars, ancian politician e actual president del Real Madrid, que possedís una fortuna estimada a 1,8 miliard d’èuros.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bona novèla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari