Actualitats
Discussion sus la data del tresen referendum d’independéncia de la Nòva Caledònia
Lo blòc sobeiranista vòl agotar los tèrmes del temps que l’unionista demanda que se vòte tre que serà possible
Tèxte legit
La Nòva Caledònia votarà pel tresen còp sus son independéncia de França al pus tard en octòbre de 2022, ja que que lo blòc independentista a anonciat que demandariá la tenguda d’un nòu referendum. Amb l’anóncia a començat lo debat sus quora conven qu’aja luòc lo vòte.
Los independentistas preferisson de ne reportar la data tant coma serà possible: prepausan setembre de 2022. Segon lors calculs, del mai de temps passarà, del mai de personas jonheràn l’“òc”. La diferéncia de vòtes entre los referendums ja tenguts sembla de lor donar rason: en 2018, lo 43,3% dels votants sostenguèron l'independéncia, del temps qu’en 2020, la chifra aumentèt fins al 46,7%.
Lo blòc unionista voldriá que lo referendum se faguèsse pas. Mas coma, legalament, o pòdon pas empachar —la tenguda dels tres referendums es ja establida oficialament dins los Acòrdis de Nouméa de 1998— los unionistas demandan que la votacion se debane “al pus lèu possible”, segon las paraulas de Virginie Ruffenach, presidenta del principal grop unionista al Congrès de la Nòva Caledònia.
La data serà decidida per l’executiu de la metropòli. Lo primièr ministre, Jean Castex, a convidat de caps unionistas e independentistas a una reünion a París entre lo 25 de mai e lo 3 de junh. Se parlarà, çò ditz lo govèrn francés, de “totes” los aspèctes pertocant lo referendum. Los unionistas espèran d’i poder prepausar una tresena via qu'empedisca que la Nòva Caledònia venga independenta. Los independentistas son pas brica d’acòrdi e insistisson sul fach lo vòte deu èsser binari: “òc” o “non”.
La Nòva Caledònia dispausa d’un regim d’autonomia dempuèi 1998, amb son assemblada e son govèrn pròpris. França se resèrva las competéncias de la defensa, la polícia, la justícia, la moneda e las frontièras, entre tant.
_______
Aquesta nòva es adaptada de Nationalia, amb qui Jornalet ten un acòrdi de cooperacion
Los independentistas preferisson de ne reportar la data tant coma serà possible: prepausan setembre de 2022. Segon lors calculs, del mai de temps passarà, del mai de personas jonheràn l’“òc”. La diferéncia de vòtes entre los referendums ja tenguts sembla de lor donar rason: en 2018, lo 43,3% dels votants sostenguèron l'independéncia, del temps qu’en 2020, la chifra aumentèt fins al 46,7%.
Lo blòc unionista voldriá que lo referendum se faguèsse pas. Mas coma, legalament, o pòdon pas empachar —la tenguda dels tres referendums es ja establida oficialament dins los Acòrdis de Nouméa de 1998— los unionistas demandan que la votacion se debane “al pus lèu possible”, segon las paraulas de Virginie Ruffenach, presidenta del principal grop unionista al Congrès de la Nòva Caledònia.
La data serà decidida per l’executiu de la metropòli. Lo primièr ministre, Jean Castex, a convidat de caps unionistas e independentistas a una reünion a París entre lo 25 de mai e lo 3 de junh. Se parlarà, çò ditz lo govèrn francés, de “totes” los aspèctes pertocant lo referendum. Los unionistas espèran d’i poder prepausar una tresena via qu'empedisca que la Nòva Caledònia venga independenta. Los independentistas son pas brica d’acòrdi e insistisson sul fach lo vòte deu èsser binari: “òc” o “non”.
La Nòva Caledònia dispausa d’un regim d’autonomia dempuèi 1998, amb son assemblada e son govèrn pròpris. França se resèrva las competéncias de la defensa, la polícia, la justícia, la moneda e las frontièras, entre tant.
_______
Aquesta nòva es adaptada de Nationalia, amb qui Jornalet ten un acòrdi de cooperacion
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 La tienguda de 3 referendums qu'èra prevista peus accòrds de 1988.
En cas de victòria deu Òc, que'm demandi si lo cabinet de Blanquer a previst de sasir lo conselh constitucionau...
Aprèp lo tresen còp , lo quatren còp, puèi lo cinquen còp puèi... A se demandar qui de França o d'Europa a apres a l'autra aquela arnèsca de far votar lo mond fins a que vòten çò qu'òm vòl que vòtan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari