Actualitats
An censurada la revista Bretons per aver publicat que 18% dels bretons son independentistas
L’informacion a fach de rambalh en Bretanha. Lo grop Ouest-France, distributor de la revista “grand public” Bretons, a fach retornar totes los exemplars que i aviá dins las botigas de jornals e los supermercats.
La revista Bretons comandèt un sondatge a l’institut IFOP. Segon aquel sondatge, publicat dins lo numèro de febrièr, 18% dels bretons son favorables a l’independéncia del lor país, çò qu’èra publicat coma grand títol dins la primièra pagina.
La revista tornarà paréisser divendres amb la primièra pagina cambiada. Lo grand títol serà cambiat per “69% dels bretons desconeisson lor istòria”.
Segon de fonts seguras, qualques jornalistas bretons an sauput qu’es lo cap d’Ouest-France, François-Régis Hutin, qu’a demandat exprèssament lo retorn de las revistas. Aquel afar a provocat tanplan un gròs escandal demest los jornalistas d’Ouest-France.
La revista Bretons se pòt trobar normalament dins totas las botigas de jornals e dins los supermercats de Bretanha, e las afichas de publicitat se pòdon veire pertot.
Fabien Lécuyer
7Seizh.info
La revista Bretons comandèt un sondatge a l’institut IFOP. Segon aquel sondatge, publicat dins lo numèro de febrièr, 18% dels bretons son favorables a l’independéncia del lor país, çò qu’èra publicat coma grand títol dins la primièra pagina.
La revista tornarà paréisser divendres amb la primièra pagina cambiada. Lo grand títol serà cambiat per “69% dels bretons desconeisson lor istòria”.
Segon de fonts seguras, qualques jornalistas bretons an sauput qu’es lo cap d’Ouest-France, François-Régis Hutin, qu’a demandat exprèssament lo retorn de las revistas. Aquel afar a provocat tanplan un gròs escandal demest los jornalistas d’Ouest-France.
La revista Bretons se pòt trobar normalament dins totas las botigas de jornals e dins los supermercats de Bretanha, e las afichas de publicitat se pòdon veire pertot.
Fabien Lécuyer
7Seizh.info
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es plan d'un punt de vista politic ; aital podèm listar las repressions francesas.
1 / Es incomprenedor del punt de vista redaccional ; quí a comandar l'enquèsta ? Lo que paga, Ouest-France, refusa de publicar ? Pagar per res obténer .... Aprèp diràn qu'i a una crisi dins la premsa ; i a una censura segur.
2 / la chifra es çaquelà interessanta, mas ont son aqueles 18 % dins los burèus de vòts ?
3 / benlèu qu'es una campanha per far saber -melhor conéisser- la revista del grope Ouest-France ; e avètz remarcat que pas un sol mèdia francés n'a parlat ; val melhor parlar de la censura en Rússia... o Iran, o Iraq, o Argèria, o.... pertot levat en Bretanha, que la gestion es de fRANÇA.
#6 Los govèrns successius franceses orientan massisament la presentacion de l'istòria e de l'actualitat de l'exagòn. L'escòla d'Istòria dita "de França" es acostumada a totas los minimalismes, a totes los revisionismes per denegar l'istòria dels autres pòbles que lo pòble francés dins l'espandi de son empèri actual. Aquò a de consequéncias ideologicas prigondas sus la mentalitat e las amiras analiticas dels diplomats de las escòlas de jornalisme francesas. Ne vesèm aicí las consequéncias claras ! Vòlon amagar la realitat, e censuran, per "rason d'estat". L'edifici es meravilhosament operacional, estant que lodit Estat a quitament pas besonh d'intervenir per que se servisscan servilament sos interèsses imperalistas e nacionalistas franceses.
#5 De qu'es lo rapòrt amb lo govèrn (sensa vouguer prene sa defensa) ?
E ben al mens; aital, coneissem l'orientacion vertadièra d'aqueste govèrn de farlabica ! Socialista. Te cresi ! Son tant socialistas coma François Mitterrand etre 1942 e 1944…
Lo metòd es estonant. Aurian vougut far una publicitat de tria sus d'aqueu jornau, aurian pas pougut far mièlhs.
A l'ora d'internet, la manipòla aquesta es un pauc grossiera. Lo patron de Ouest-France amb sei 82 annadas a mancat lo tren de la modernitat.
Afar de seguir pasmens...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari