capçalera campanha

Actualitats

Politica

Declaracion insurreccionala de 20 generals franceses

Demandan una reaccion “patriotica” a la desagregacion de la “Nacion” fàcia a l’antiracisme e a l’islamisme

| Breizh info

Tèxte legit

Una vintena de generals de l’armada francesa, un centenat de nauts gradats e mai d’un milièr d’autres militars demandan una reaccion “patriotica” a la desagregacion de la “Nacion” fàcia a l’antiracisme e a l’islamisme e menaçan d’una intervencion de l’armada per restablir l’òrdre. Dins una letra publicada dins Valeurs Actuelles los militars asseguran que “França es en perilh” e que per tant pòdon pas “demorar indiferents al sòrt de [lor] polit país”.
 
Los militars se planhon “d’un cèrt antiracisme” que sa tòca es “de crear sus [lor] sòl un malèsser, quitament un òdi entre las comunautats”. D’aquela passa critican los que parlan de “teorias descolonialas” que, segon los militars, mesprèsan e asiran França, “sas tradicions, sa cultura e la vòlon dissòlver en arrancant son passat e son istòria”. Tanben critican “l’islamisme e las òrdas de banlèga”, comprenon lo desespèr dels Gilets Jaunes e critican que lo poder utilize las fòrças de l’òrdre contra eles.
 
Enfin, asseguran que “se res es pas entreprés”, la situacion vendrà talament grèva que solament “la guèrra civila metra fin a aqueste caos creissent”.
 
 
Le Pen crida los generals a la jónher
 
La reaccion del Recampament Nacional es arribada sul pic. La presidenta del partit d’extrèma drecha, Marine Le Pen, a declarat que partejava lors “analisis e afliccion”, çò rapòrta Le Parisien.
 
De son latz, lo cònsol màger de Perpinhan, Louis Aliot, s’es declarat dispausat “a sosténer las politicas que prendràn en consideracion la salvagarda de la nacion”.
 
 
Indignacion de l’esquèrra
 
Mentretant, l’esquèrra protèsta perque l’executiu francés daissa los generals dire tot aquò. Benoît Hamon manifestava de ser son indignacion per la manca de reaccion de la ministra de la defensa, del primièr ministre e del president de la Republica. 
 
De son caire, Jean-Luc Mélenchon qualificava la letra d’“estupefasenta declaracion de militars que s’atribuisson lo drech de cridar lors collègas de las fòrças armadas activas a intervenir contra los islamoesquerristas”, e planhiá que “60 ans après lo putsch d’Argièr, 20 generals menac[èsson] explicitament la Republica d’un còp d’estat militar”.
 
 
 
 
 
 





abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Piqûre de rappel
27.

#26 Tres milions ! Solament 3 pichòts milions de mòrts suls 7,5 MILLIARDS d'estatjants que compta la planèta ! Dins lo mèsma temps i-a CADA ANNADA quantes e quantes milions que morissan de la tuberculòsi, d'ebolà, del paludisme, dels cancers (divèrses e variats !) e mai que mai de la FAMINA dins l'indiferència TOTALA dels mediàs e dels govèrns ? E ara de longa nos fan cagar per aqueles 3 pichòts milions de mòrts del coronavirus ? Mas me damne, de qu'es aquel manipòli ? Quora lo mond van enfin se trachar qu'òm se trufa d'eles amb aquel aganta-colhon que jòga sus las paurs irracionalas per los melhor engabiar ?

  • 13
  • 8
Xavièr Moissac
26.

#20 Aquel Fouché es un faissista. Perqué es pas encara en preson amb son mèstre Raoult e totes los autres nècis rassuristas ? Que fa la poliça ? Perqué daissan far aquò ? Aqueles son d'irresponsables que nos meton totes en dangièr de mort. Se rendon pas compte que sèm fàcia a una epidèmia qu'a dejà tuat de milions de personas dins lo mond, e segurament fòrça mai perqué nos dison pas tot. Segur qu'en França i a al mens 400 000 o 500 000 morts (benlèu encara mai qu'aquò) mas l'esconen. Amb las variantas, va estar de mai en mai grèu. Cal embarrar aqueles irresponsables e los vaccinar per fòrça.

  • 9
  • 20
La votz de son mèstre
25.

#8 Vaqui qu'es fach : lo Blanquer, jol mantel d'un trentenat de diputats, ataca la lei Molac. Al nom d'exactament la mèsma logica : combatre la desagregacion de la nacion e lo separatisme. Aquel govern es plan sus la mèsma longor d'onda. Lo conselh constitucional se contentarà d'aprobar aquesta nobla causa.

  • 8
  • 1
Algoritmassa
24.

#21 Avisa-te colèga, qu'ara per se-disent se gardar de la "menaça separatista" TOTES los rets socials - foguèssen en occitan ! - son espepissats e espionats pel govern.

  • 9
  • 1
Ròdrigo Bigòrra
23.

#21 Que'n cagi de cuu ; jamès dera vita n'auri pensat que i avé pepiots atau !

  • 5
  • 10

Escriu un comentari sus aqueste article