Actualitats
Las manòbras de Blanquer per far tombar la Lei Molac son a indignar cèrts deputats d’LREM
Una part dels deputats signataris de la sasina del CC se senton enganats e vòlon pas èsser associats al recors
Tèxte legit
La sasina del Conselh Constitucional per la Lei Molac sembla de mai en mai una manòbra antidemocratica del partit La Republica en Marcha (LREM) qu’es al govèrn de l’estat francés. Lo tèxt del recors —que l’aurián signat una seissantena de deputats— l’auriá escrich lo gabinet del ministre de l’educacion, Jean-Michel Blanquer. Ara, France 3 assabenta qu’una part dels deputats signataris se senton enganats car lo ministre lor raportèt pas lo contengut real del recors. A mai, d’autres signèron en tot creire que s’agissiá d’una decision pachada per consens per tot lo grop parlamentari d’LREM.
De fach, LREM afronta la situacion amb una opacitat màger, çò qu’ajuda pas brica a apasimar lo malcontentament de sos quites deputats. Fins ara, lo partit qu’es al govèrn de França refusa de publicar los noms dels deputats signataris mentre que la lista es a circular dins los mèdias e los rets socials.
Òr, La Lettre A rapòrta qu’una desena d’elegits d’aquela lista vòlon pas èsser associats als autres 60 signataris.
Revirada de Blanquer
La lei de proteccion de las lengas minorizadas teniá l’oposicion del ministre de l’educacion, Jean-Michel Blancher, que capitèt a vojar lo projècte de lei de sa substància pertocant l’ensenhament dins sa primièra lectura en febrièr de 2020, mas que lo vegèt enriquit pel Senat en decembre passat. En mai d’aquò, l’8 d’abril passat, mai de cent deputats d’LREM se revoltèron contra Blanquer en votant en favor del tèxt malgrat la consigna oficiala del partit. Es aital que lo grop macronista aprovèt majoritàriament lo projècte.
De fach, LREM afronta la situacion amb una opacitat màger, çò qu’ajuda pas brica a apasimar lo malcontentament de sos quites deputats. Fins ara, lo partit qu’es al govèrn de França refusa de publicar los noms dels deputats signataris mentre que la lista es a circular dins los mèdias e los rets socials.
Òr, La Lettre A rapòrta qu’una desena d’elegits d’aquela lista vòlon pas èsser associats als autres 60 signataris.
Revirada de Blanquer
La lei de proteccion de las lengas minorizadas teniá l’oposicion del ministre de l’educacion, Jean-Michel Blancher, que capitèt a vojar lo projècte de lei de sa substància pertocant l’ensenhament dins sa primièra lectura en febrièr de 2020, mas que lo vegèt enriquit pel Senat en decembre passat. En mai d’aquò, l’8 d’abril passat, mai de cent deputats d’LREM se revoltèron contra Blanquer en votant en favor del tèxt malgrat la consigna oficiala del partit. Es aital que lo grop macronista aprovèt majoritàriament lo projècte.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E lo Tiron encadenat, es solament bruches de corredors ? Article en pagina 2 aquesta setmana (e plan mai long qu'une corteta !)
#4 Que cau véder se los deputats qui's penteishen d'aver signat e pòden tirar las loas signaturas. Peu moment, n'ac sabem pas.
#5 Car Joan Peiroton (que vs'avem reconegut, enqüèra un còp!), rasonament interessant: se Jornalet e parla de quauquarren dont la rèsta de la premsa ne parla pas, n'ei pas un tribalh seriós ! Mes quina concepcion deu tribalh seriós avetz ? Tan miélher se Jornalet e pòt har paréisher informacions qui ne's veden pas aulhors, qu'ei la màger pròva de la soa utilitat. Tà plan díser, com tostemps que vs'enganatz, la premsa francofòna que n'a parlat tanben: la Lettre A (mentavuda dens l'article. E l'avetz a tot de bon lejut?), lo site de França 3 Bretanha, Gala (òc! Gala), enter d'autas publicacions, que n'an parlat. E vos, que parlatz shens dobte tròp, e tròp viste.
"Las manòbras de Blanquer per far tombar la Lei Molac son a indignar cèrts deputats d’LREM" Quantes deputats ? De noms ? Non... encara un còp de bruches de corredors... Es pas un trabalh jornalistic plan serios.... E aquel eveniment que sembla menaçar l'unitat del partit presidencial, curiosament se'n parla pas gaire dins la premsa.... perqué benlèu son pas que de bruches de corredors, non ?
#2 Mai que fragile, en veritat! En principi, s'a pus lei 60 signaturas, lo recors es tot simplament caduc!
"Un si grand soleil" al Clapàs, ambe l'accent local: utopia?
Prevéser corses d'accent mièijornal pels comedians francéses o ne trobar de parlaires natius.
Benlèu , e seria complicat?
E corses d'accent a l'escòla? Seria probable enebit...
Glòtafobia, quand te tèn...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari