Actualitats
Es mòrt Robèrt Martí
Uèi sèm en dòl. Martí nos a quitats. Mas nos volèm pas mostrar tristes per çò qu’a Martí li agradava de rire e de far rire
Me pensi que foguèt lo poèta Joan Brossa que o diguèt: un país, per èsser normal, a besonh de doas causas que començan per p, polícia e pornografia.
A ieu m’agrada pas gaire la pornografia, mas segur que m’agrada mai que la polícia.
Robèrt Martí, nascut lo 22 de febrièr de 1944 as Albi, mòrt ièr de matin 5 de mai de 2021, foguèt un òme d’accion e d’òbra. Escrivan, romancièr, umorista, ensenhaire, president de l’Institut d’Estudis Occitans de 1986 a 1997.
Per d’unes, Robèrt Martí seriá l’autre nom de Padena. Padena, aquel fenomenàs de l’umorisme occitan[1]. Qual coneis pas Padena? L’avèm vist al teatre, o almens l’avèm escotat en caissetas, o en CD; o uèi lo vesèm sus YouTube, mercé als sieus afogats.
Sus YouTube i a Los cons. Padena es un personatge que fa lo con, mas los cons son los autres. Per Martí, escriure, e escriure sus cèrtas tematicas, e jogar d’espectacles, e far sas performanças... èran una forma seriosa de militància politica. Militar per la lenga es politica. El militava.
Tornam a la polícia e a la pornografia. De polícia n’avèm pas, trepa las nòstras carrièras mas servís un autre país e parla pas la nòstra lenga. De pornografia n’avèm pas tanpauc, mas almens avèm lo melhor roman pornografic qu’anatz legir en quina lenga que siá: HIC NOX NOMEN MVTAT Aicí la nuèch càmbia de nom. Atal, lo títol en occitan e latin, deuriá èsser aquò lo bilingüisme.
Aquela es la primièra frasa d’aquel roman, qu’es estat un roman plan legit. Benlèu qu’es encara lectura obligatòria pels escolans barceloneses del B1.2 segon lo Quadre Europèu Comun de Referéncia per las Lengas.
I un escabòt d’escolans e èx-escolans catalans que vos pòdon nommar tot lo camp semantic del sèxe, son èx-escolans de Martí d’una cèrta manièra de biais. Bon... de Martí o de Vernet, mas Martí i èra abans.
Aviái dich qu’es lo melhor roman pornografic escrich en quina lenga que siá? Tanben es lo roman pornografic mai pornografic.
Martí escriguèt mai de causas, en occitan e en francés. Lo balestrièr de Miramont es un fòrt brave roman, que tanben agrada als escolans. Meteissa causa per Pichòtas novèlas del front. E L’ombra doça de la nuèch, tanben es plan, mas onèstament ieu lo trapi curiós.
E Martí trabalhèt dins l’ensenhament.
E s’engatgèt dins las manifestacions.
Uèi sèm en dòl. Martí nos a quitats. Mas nos volèm pas mostrar tristes per çò qu’a Martí li agradava de rire e de far rire.
Li podiam pas far una necrologia trista. Semblariá qu’aguèsse viscut per res!
La capelada, mèstre.
Mercé per ton umor.
Mercé per ton òbra.
Te’n devèm fòrça.
Manèl Zabala
A ieu m’agrada pas gaire la pornografia, mas segur que m’agrada mai que la polícia.
Robèrt Martí, nascut lo 22 de febrièr de 1944 as Albi, mòrt ièr de matin 5 de mai de 2021, foguèt un òme d’accion e d’òbra. Escrivan, romancièr, umorista, ensenhaire, president de l’Institut d’Estudis Occitans de 1986 a 1997.
Per d’unes, Robèrt Martí seriá l’autre nom de Padena. Padena, aquel fenomenàs de l’umorisme occitan[1]. Qual coneis pas Padena? L’avèm vist al teatre, o almens l’avèm escotat en caissetas, o en CD; o uèi lo vesèm sus YouTube, mercé als sieus afogats.
Sus YouTube i a Los cons. Padena es un personatge que fa lo con, mas los cons son los autres. Per Martí, escriure, e escriure sus cèrtas tematicas, e jogar d’espectacles, e far sas performanças... èran una forma seriosa de militància politica. Militar per la lenga es politica. El militava.
Tornam a la polícia e a la pornografia. De polícia n’avèm pas, trepa las nòstras carrièras mas servís un autre país e parla pas la nòstra lenga. De pornografia n’avèm pas tanpauc, mas almens avèm lo melhor roman pornografic qu’anatz legir en quina lenga que siá: HIC NOX NOMEN MVTAT Aicí la nuèch càmbia de nom. Atal, lo títol en occitan e latin, deuriá èsser aquò lo bilingüisme.
“Estimatz mai que ma femna vos chuque abans o aprèp lo cafè?”
— Vos en rapelatz, vertat?
— ...
— Anem, digatz de òc, sèm entre amics!
— Vos en rapelatz, vertat?
— ...
— Anem, digatz de òc, sèm entre amics!
Aquela es la primièra frasa d’aquel roman, qu’es estat un roman plan legit. Benlèu qu’es encara lectura obligatòria pels escolans barceloneses del B1.2 segon lo Quadre Europèu Comun de Referéncia per las Lengas.
I un escabòt d’escolans e èx-escolans catalans que vos pòdon nommar tot lo camp semantic del sèxe, son èx-escolans de Martí d’una cèrta manièra de biais. Bon... de Martí o de Vernet, mas Martí i èra abans.
Aviái dich qu’es lo melhor roman pornografic escrich en quina lenga que siá? Tanben es lo roman pornografic mai pornografic.
Martí escriguèt mai de causas, en occitan e en francés. Lo balestrièr de Miramont es un fòrt brave roman, que tanben agrada als escolans. Meteissa causa per Pichòtas novèlas del front. E L’ombra doça de la nuèch, tanben es plan, mas onèstament ieu lo trapi curiós.
E Martí trabalhèt dins l’ensenhament.
E s’engatgèt dins las manifestacions.
Uèi sèm en dòl. Martí nos a quitats. Mas nos volèm pas mostrar tristes per çò qu’a Martí li agradava de rire e de far rire.
Li podiam pas far una necrologia trista. Semblariá qu’aguèsse viscut per res!
La capelada, mèstre.
Mercé per ton umor.
Mercé per ton òbra.
Te’n devèm fòrça.
Manèl Zabala
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo temps passa e avem de far lo nostre camin, dire las nostras causas qu'avem dins lo cor. No som aquí per sempre.
Adiu Robert militant sancèr e sincèr! Condoleanças ara familha. Miquèu Pujòl.
D'en primier mercés Robèrt per totas aquelas polidas granas que semenères. Condolenças per sa familha e totes sos pròches. mercés Robèrt per totas aquelas polidas granas que semenères.
A Andrèu Serradell #20, Me pensi qu'as pas res a far al "Jornalet" tota ta pròsa pudenta a res de veire amb lo subjècte qu'es un omenatge a Robèrt Marti, quin rapòrt amb tot çò que racas ? Un pauc de respèct deurias aver vergonha !
#20 Me pensi qu'as pas res a far al "Jornalet" tota ta pròsa pudenta a res de veire amb lo subjècte qu'es un omenatge a Robèrt Marti, quin rapòrt amb tot çò que racas ? Un pauc de respèct deurias aver vergonha !
#26
òuu praube ! Lo gascon negre ça dises , aquò’s quicòm òc, fa trambla òc.
per t’aisinar t’aconselhi de te prener una cinsa de tamèls trissats e de te gratussar lo bèscle a l’encòp, atal se van dierbre d’espandis novèls, aquò rai i cal anar d’apasset si que non te poiras pernar la crapana, sariá perda çaquelà !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari