Actualitats
François Hollande: “Caldrà revisar la Constitucion”
Lo 6 de mai, los occitanistas tolosans aculhiguèron l’ancian president de França a l’Ostal d’Occitània. Foguèt especialament questionat sus la Lei Molac e sus son bilanç pertocant las lengas
A pas acabat de far lo bilanç de son passatge a l’Elisi. Après los mots de benvenguda de Joan-Francés Laffont (Convergéncia Occitana) e Jean-Luc Moudenc (cònsol màger LR de Tolosa), François Hollande devisèt amb l’assisténcia presenta de la Lei Molac e sas seguidas, la descentralizacion e enfin lo concèpte de convivéncia. Èran presents de jovents del Collègi Calandreta atal coma del quartièr popular de la Reinariá.
Sus las lengas, l’ancian president èra plan conscient qu’auriá cèrts comptes a rendre, çò que soslinhèt amb son umor costumièr. Una de las preocupacions màgers dels militants de las lengas ditas regionalas, es l’actitud que l'adoptarà lo Conselh Constitucional a respècte de la Lei Molac e la sasina per 60 deputats LREM o pròches del macronisme. “Se fasèm pas res, lo Conselh Constitucional ausirà pas que la paraula dels nauts foncionaris del Conselh d’Estat, çò expliquèt Joan-Francés Laffont, sabèm que lo Conselh Constitucional s’es ja prononciat contra la Carta Europèa de las Lengas Minoritàrias e Regionalas, que s’es ja prononciat contra de possiblas extensions legislativas… Avèm doncas paur que lo Conselh Constitucional censure aquela lei que, per nosautres, es essenciala”.
En cas de censura, l’ancian president a la solucion: “Caldrà, a aquel moment, revisar la Constitucion”. Perqué alavetz, quand Sénher Hollande èra president, aver mandat lo deputat Jean-Jacques Urvoas en primièra linha per far una proposicion de lei constitucionala en plaça d’un projècte de lei constitucional dirèctament eissit del govèrn? “Per arribar a una majoritat sus una question coma aquela, val mai que siá transpartisan, çò diguèt, cal que los parlamentaris de totas sensibilitats pòscan aderir a aquela evolucion (…) d’ont l’idèa d’una iniciativa parlamentària que permeta d’amassar mai largament e de ne far pas un tèma govèrn-oposicion”. Levat que la seguida, la coneissèm: la dreita profeitèt de la situacion en denonciant un govèrn qu’avançava amb la masca e doncas… la lei constitucionala foguèt presa en ostatge per de logicas partesanas indefugiblas. Un vòte de la lei en debuta de mandat, quand la familha ideologica del president Hollande aviá la majoritat dins las doas cambras, auriá pas facilitat lo trabalh?… Çò fait es fait.
Es mai que mai al sòci putatiu del Conselh Constitucional que s’adreicèron los militants presents. “Se lo Conselh Constitucional veniá a dire que l’immersion es anticonstitucionala, aquò voldriá dire que cal pas d’aiga per nadar, çò diguèt Joan-Lois Blenet, president de la Confederation de las Calandretas. […] Sèm doncas preocupats pr’amor que i a una dòxa en França qu’es puslèu un fren. Alavetz poiriatz intervenir al prèp dels vòstres collègas del Conselh Constitucional”. François Hollande se volguèt rassegurant en rapelant que lo Conselh Constitucional procediriá a d’audicions e que i auriá de debats contradictòris a l’eissida dels quals los “savis” deliberaràn. Considerèt ça que la qu’èra pas son ròtle de plaidejar mas puslèu d’esperar que las consultations menadas pel CC foguèsson pro largas e que foguèsson ausidas un bon nombre de grandas associacions. Los qu’esperavan una eventuala intervencion semblèron d'aver un simple sosten de principi.
Lo 4 de mai, a l’Assemblada Nacionala, Paul Molac denoncièt l’actitud de Jean-Michel Blanquer qu’acusèt lo ministre d’èsser a l’origina de la sasina al cors de la sesilha de questions al govèrn. “Ai un pauc l’impression, Sénher Ministre, que venètz lo primièr ministre e tròbi aquò preocupant”, çò diguèt. Lo procediment seguís son cors.
Clamenç Pech
Sus las lengas, l’ancian president èra plan conscient qu’auriá cèrts comptes a rendre, çò que soslinhèt amb son umor costumièr. Una de las preocupacions màgers dels militants de las lengas ditas regionalas, es l’actitud que l'adoptarà lo Conselh Constitucional a respècte de la Lei Molac e la sasina per 60 deputats LREM o pròches del macronisme. “Se fasèm pas res, lo Conselh Constitucional ausirà pas que la paraula dels nauts foncionaris del Conselh d’Estat, çò expliquèt Joan-Francés Laffont, sabèm que lo Conselh Constitucional s’es ja prononciat contra la Carta Europèa de las Lengas Minoritàrias e Regionalas, que s’es ja prononciat contra de possiblas extensions legislativas… Avèm doncas paur que lo Conselh Constitucional censure aquela lei que, per nosautres, es essenciala”.
En cas de censura, l’ancian president a la solucion: “Caldrà, a aquel moment, revisar la Constitucion”. Perqué alavetz, quand Sénher Hollande èra president, aver mandat lo deputat Jean-Jacques Urvoas en primièra linha per far una proposicion de lei constitucionala en plaça d’un projècte de lei constitucional dirèctament eissit del govèrn? “Per arribar a una majoritat sus una question coma aquela, val mai que siá transpartisan, çò diguèt, cal que los parlamentaris de totas sensibilitats pòscan aderir a aquela evolucion (…) d’ont l’idèa d’una iniciativa parlamentària que permeta d’amassar mai largament e de ne far pas un tèma govèrn-oposicion”. Levat que la seguida, la coneissèm: la dreita profeitèt de la situacion en denonciant un govèrn qu’avançava amb la masca e doncas… la lei constitucionala foguèt presa en ostatge per de logicas partesanas indefugiblas. Un vòte de la lei en debuta de mandat, quand la familha ideologica del president Hollande aviá la majoritat dins las doas cambras, auriá pas facilitat lo trabalh?… Çò fait es fait.
Es mai que mai al sòci putatiu del Conselh Constitucional que s’adreicèron los militants presents. “Se lo Conselh Constitucional veniá a dire que l’immersion es anticonstitucionala, aquò voldriá dire que cal pas d’aiga per nadar, çò diguèt Joan-Lois Blenet, president de la Confederation de las Calandretas. […] Sèm doncas preocupats pr’amor que i a una dòxa en França qu’es puslèu un fren. Alavetz poiriatz intervenir al prèp dels vòstres collègas del Conselh Constitucional”. François Hollande se volguèt rassegurant en rapelant que lo Conselh Constitucional procediriá a d’audicions e que i auriá de debats contradictòris a l’eissida dels quals los “savis” deliberaràn. Considerèt ça que la qu’èra pas son ròtle de plaidejar mas puslèu d’esperar que las consultations menadas pel CC foguèsson pro largas e que foguèsson ausidas un bon nombre de grandas associacions. Los qu’esperavan una eventuala intervencion semblèron d'aver un simple sosten de principi.
Lo 4 de mai, a l’Assemblada Nacionala, Paul Molac denoncièt l’actitud de Jean-Michel Blanquer qu’acusèt lo ministre d’èsser a l’origina de la sasina al cors de la sesilha de questions al govèrn. “Ai un pauc l’impression, Sénher Ministre, que venètz lo primièr ministre e tròbi aquò preocupant”, çò diguèt. Lo procediment seguís son cors.
Clamenç Pech
Fin de visite de François Hollande à Toulouse à la maison d’occitanie Acuèlh Convergéncia Ostal d'Occitania présidée par...
Pubblicato da Florence Ginisty su Divendres, 7 de maig de 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mon car Hollande, abans de revisar una constitucion supremacista — e donc racista — mièlhs fariás de revisar ton Joan Jaurés !!! Aquí, i aprendriás çò que "socialista" vòl dire…
los occitans que deurian arrestar d'esperar dals politicians seriosament... receber l'Hollande a l'ostal e conversar amb'el e "son umor costumièr" qu'ai psa vist pendant que lo 49-3 passava e que lo monde se fasia gazar..
Per contra òc, a rason sus un punt : “Caldrà, a aquel moment, revisar la Constitucion” o puslèu cal la revisar sens'eles, subretot ! ...
[Alza la bandera revolucionaria, que llevará al pueblo a la emancipación]
N'i a qu'an benlèu doblidat qu'es a la traïson desvergonhosa del partit socialista francès que devem l'escanatge de la renaissènça occitana de la segonda partida del sègle vint. Lo partit d'aquel Hollande bravonèt a tras que cocufiat la nacion occitana qu'a definitivament perdut l'escasença d'existir un jorn. Gramaci qui ?
Lo denominator comun de totis los politics franceses, que siaguen de drecha, d'esquèrra, d'extrèma drecha o d'extrèma esquèrra es lo centralisme parisenco-centrat, la negacion acarnassida del fach occitan. L'ipocrisia grandassa d'aquel Hollande n'es que la enièma confirmacion. Lo pièger es que i a totjorn de nècis per s'i faire agantar !
Probable que, tanlèu passat lo polit portal de l'Ostal d'Occitània, aquel palhassa diguèt doblidar l'occitan( e las lengas minorisadas) per demandar a son conselhièr en comunicacion*, ont es qu'ara, sens perdre temps, podiá anar rastelar.
* pels innocents coma ieu èri, qu'èri pas al fial... m'anatz pas creire...la comunicacion es una sciencia! !..que s'estudiá...la novèla consolessa de Madrid ...espanhòlista de drecha, auriá una mestresa en commucacion...es per dire...
Per far d'aviat, çò que ne reteni d'aquela sciencia:
"Consí conflar l'egò del monde per davant en los prenguent per de colhas per darrèr"
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari