Actualitats
L’agéncia del medicament a anonciat la suspension de las vendas del Diane 35
S’agís d’un tractament antiacne, largament prescrich coma contraceptiu, qu’a provocada la mòrt de quatre femnas
L’agéncia del medicament de l’Estat francés, l’ANSM, anoncièt ièr dimècres la suspension de l’autorizacion de mesa al mercat del Diane 35 e de sos generics. S’agís d’un tractament antiacne que s’es largament utilizat coma contraceptiu dempuèi vint ans e qu’a provocada la mòrt de quatre femnas pendent los 25 darrièrs ans.
Lo “procediment de suspension d’autorizacion de mesa al mercat” prendrà efièch dins tres meses segon Dominique Maraninchi, director general de l’ANSM, que convidèt los pacients a non interrompre còp sec lor tractament dins l’interval, e de ne parlar amb lo mètge.
La decision de suspension del Diane 35, un medicament comercializat pel laboratòri Bayer, s’anoncièt dins una conferéncia de premsa; aquela se debanèt en seguida de la reünion d’un “comitat tecnic” sus la question de las pilulas contraceptivas e del Diane 35, diluns passat, al sèti de l’ANSM.
Delà las pilulas de 3a e 4a generacion, qu’òm acusa de risques aumentats de formacion de grumèls de sang, aquel tractament contra l’acne a provocat 125 trombòsis e quatre mòrts “imputablas a una trombòsi venosa restacada al Diane 35”, e aquò s’es passat dins lo corrent dels 25 darrièrs ans, segon l’agéncia del medicament.
Prescrich a l’ora d’ara a 315 000 femnas en França, lo Diane 35 foguèt autorizat en França en 1987 solament pel tractament de l’acne; mas s’empleguèt de mai en mai coma contraceptiu oral.
Maraninchi a remembrat qu’“existís de nombrosas autras opcions terapeuticas” per combatre l’acne.
Lo “procediment de suspension d’autorizacion de mesa al mercat” prendrà efièch dins tres meses segon Dominique Maraninchi, director general de l’ANSM, que convidèt los pacients a non interrompre còp sec lor tractament dins l’interval, e de ne parlar amb lo mètge.
La decision de suspension del Diane 35, un medicament comercializat pel laboratòri Bayer, s’anoncièt dins una conferéncia de premsa; aquela se debanèt en seguida de la reünion d’un “comitat tecnic” sus la question de las pilulas contraceptivas e del Diane 35, diluns passat, al sèti de l’ANSM.
Delà las pilulas de 3a e 4a generacion, qu’òm acusa de risques aumentats de formacion de grumèls de sang, aquel tractament contra l’acne a provocat 125 trombòsis e quatre mòrts “imputablas a una trombòsi venosa restacada al Diane 35”, e aquò s’es passat dins lo corrent dels 25 darrièrs ans, segon l’agéncia del medicament.
Prescrich a l’ora d’ara a 315 000 femnas en França, lo Diane 35 foguèt autorizat en França en 1987 solament pel tractament de l’acne; mas s’empleguèt de mai en mai coma contraceptiu oral.
Maraninchi a remembrat qu’“existís de nombrosas autras opcions terapeuticas” per combatre l’acne.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquò's un perilh vertadièr aquela pilula de Diane 35 (aquela d'aquí coma d'autras) ! Mas es venduda dins d'autres estats que l'an pas enebida fins ara. Cossí se fa ? Vòl dire que las femnas dels autres paises an pas jamai agut de problèmas amb Diane 35 ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari