Actualitats
Escòcia: l’independentisme s’es tornarmai impausat a las eleccions
Lo resultat obtengut legitima la demanda d’un segond referendum d’independéncia que Londres refusa
Tèxte legit
L’independentisme s’es tornarmai impausat a las eleccions d’Escòcia. Lo resultat obtengut legitima la demanda d’un segond referendum d’independéncia que, a l’ora d’ara, lo govèrn britanic de Boris Jonhson refusa. Lo Partit Nacional Escocés (SNP) a obtengut 64 deputats e los Verds 8, en tot despassar, largament, la majoritat absoluda del parlament d’Holyrood, fixada a 65 sètis. Nicola Sturgeon serà reelegida primièra ministra e afrontarà una legislatura marcada per la gestion de la pandemia e sa crisi resultanta e la revendicacion del referendum.
Quant a Alba, lo partit creat per l’èx-primièr ministre Alex Salmond, a pas obtengut cap de deputat. L’SNP a un deputat de mai qu’en 2016, lo Partit Conservator sèrva sos 31 sètis, lo Partit Trabalhista n’a perdut dos e davala a 22, los Verds aumentan lor preséncia de dos deputats e los Liberals Democratas ne pèrdon un amb 4 representants.
Tot comptat e rebatut, l’independentisme escocés creis de tres deputats al parlament a respècte de 2016, en passant de 69 representants a 72. La participacion a aquelas eleccions es estada del 63% dels inscriches, çò es d'un 7% pus nauta qu’a las eleccions precedentas.
Creissença de l’independentisme a Galas
Quant a Galas, lo Partit Trabalhista a ganhat las eleccions amb clartat en tot obténer 30 deputats, a un sèti de la majoritat absoluda. Lo Partit Conservator es estada la segonda fòrça amb 16 deputats, e los Liberals Democratas solament n’an obtengut 1. La drecha populista eurofòba de l’UKIP a desaparegut de l’assemblada legislativa de Galas.
Los independentistas del Plaid Cymru an ara 13 representants, un de mai qu’a las eleccions precedentas. Son la tresena fòrça del Senedd, lo parlament galés.
Quant a Alba, lo partit creat per l’èx-primièr ministre Alex Salmond, a pas obtengut cap de deputat. L’SNP a un deputat de mai qu’en 2016, lo Partit Conservator sèrva sos 31 sètis, lo Partit Trabalhista n’a perdut dos e davala a 22, los Verds aumentan lor preséncia de dos deputats e los Liberals Democratas ne pèrdon un amb 4 representants.
Tot comptat e rebatut, l’independentisme escocés creis de tres deputats al parlament a respècte de 2016, en passant de 69 representants a 72. La participacion a aquelas eleccions es estada del 63% dels inscriches, çò es d'un 7% pus nauta qu’a las eleccions precedentas.
Creissença de l’independentisme a Galas
Quant a Galas, lo Partit Trabalhista a ganhat las eleccions amb clartat en tot obténer 30 deputats, a un sèti de la majoritat absoluda. Lo Partit Conservator es estada la segonda fòrça amb 16 deputats, e los Liberals Democratas solament n’an obtengut 1. La drecha populista eurofòba de l’UKIP a desaparegut de l’assemblada legislativa de Galas.
Los independentistas del Plaid Cymru an ara 13 representants, un de mai qu’a las eleccions precedentas. Son la tresena fòrça del Senedd, lo parlament galés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Margalideta que non ten recordas, avetz d'esperar un parelh d'ans. Plan planet, que ja arribarà, plan planin.
#1 "Londres"? Qu'ei aquò, "Londres"? Quan David Cameron acceptè lo prumèr referendum, "Londres" n'èra pas briga segur de ganhar, que ganhè de pòc.
An un bèl bronzatge los escoceses
Lo resultat obtengut legitima la demanda d’un segond referendum d’independéncia que Londres refusa : Londres accèpta un referendum sonque s'es segura que son punt de vista l'emportarà… Granda classa ! Mas enfin, coneissèm plan pièger encara…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari