Almens 55 personas mòrtas e environ 150 de nafradas es lo tragic bilanç d’un atemptat terrorista contra una escòla segondària femenina a Kabol (Afganistan). La majoritat de las victimas son de gojatas qu’estudiavan en aquela escòla, çò rapòrta lo govèrn afgan. Un veitura cargada d’explosius espetèt al moment que las joventas quitavan l’escòla.
 
Segon nòstras darrièras informacions, cap de grop a pas revendicat lo chaple e los talibans assolidan que ne son pas los autors. L’escòla atacada se tròba dins un quartièr abitat sustot per la minoritat hazara, de tradicion shiita. Aquestes son sovent atacats per l’autoproclamat Estat Islamic que los considèra coma d’apostatas. En octòbre, una escòla d’aquel meteis quartièr patiguèt un atemptat ont moriguèron 24 personas.
 
 
Retirament estatsunidenc
 
Lo mes passat, los Estats Units anoncièron qu’en setembre venent lor armada se seriá totalament retirada d’Afganistan. Dempuèi alavetz, los talibans an intensificat lors atacas dins tot lo país. Aquel retirament se deviá téner lo 1r de mai passat, segon l’acòrdi signat entre los Estats Units e los talibans, mas lo president Joe Biden a decidit de lo remandar fins a l’11 de setembre, al 20n anniversari de l’atemptat jihadista contra lo World Trade Center a Nòva York que justifiquèt l’invasion estatsunidenca d’Afganistan e la casuda del regim totalitari dels talibans.

 

Powerful bomb blast at a girls school in Kabul. 40 dead. Many injured.
ISIS Claims Responsibility
لعنت اللہ علی الظالمین۔ #KabulBlastpic.twitter.com/SHWFhm92fx

— Dr Tafazal Malik (@DrTafazalMalik) May 9, 2021

 

this barbaric attack on Hazara Shias in Kabul is litreally heartbreaking. Heartfelt condolence to all the familes of vitcims, We stand with our Afghan Shia Hazara brothers & Sisters in this Hour of grief, #KabulShiaGenocide#KabulBlastpic.twitter.com/8GfEpPTU7B

— Aoun Mehdi (@CallMeAounyy) May 8, 2021

 

They target what they fear the most, not weapons but education is a great threat to their sickness but sooner or later terrorism will be badly defeated by education. #KabulBlastpic.twitter.com/tapNnKVaDL

— Moments & memories (@momentmemori) May 8, 2021