Actualitats
Hong Kong: quatre activistas e conselhièrs municipals en preson après aver participat a una commemoracion de Tiananmen
Dos dels condemnats foguèron de dirigents d’un partit favorable a l’autogovèrn de la vila
Tèxte legit
Quatre activistas e conselhièrs municipals pròdemocracia d’Hong Kong son estats condemnats a de penas de preson d’entre quatre e dètz meses per aver participat a una velhada commemorativa del massacre de Tiananmen, qu’èra enebida per las autoritats.
Los condemnats son l’activista Joshua Wong (dètz meses), que se tròba ja en preson per aver participat a una reünion non autorizada en 2019, e los conselhièrs municipals Lester Shum (sièis meses), Tiffany Yuen (quatre meses) e Jannelle Leung (quatre meses).
Wong e Yuen foguèron dirigents del partit politic Demosisto, favorable a l’autogovèrn d’Hong Kong. Lo partit se deguèt dissòlver en 2020.
La velhada aviá amassat environ 20 000 personas a Victoria Park, un dels pargues centrals del territòri semiautonòm. La polícia i identifiquèt 26 activistas, dont los quatre mençonats son estats condemnats. D’autres dos activistas —Nathan Law e Sunny Cheung— son partits en exili.
La velha s’èra tenguda lo 4 de junh de 2020 e èra enebida a causa de las restriccions per combatre la pandemia de la covid-19.
Segon Nathan Law, la senténcia l’a ocasionada lo desir de las autoritats de manténer en preson los opausants al govèrn pròchinés d’Hong Kong.
Aquesta nòva es adaptada de Nationalia, amb qui Jornalet ten un acòrdi de cooperacion
Los condemnats son l’activista Joshua Wong (dètz meses), que se tròba ja en preson per aver participat a una reünion non autorizada en 2019, e los conselhièrs municipals Lester Shum (sièis meses), Tiffany Yuen (quatre meses) e Jannelle Leung (quatre meses).
Wong e Yuen foguèron dirigents del partit politic Demosisto, favorable a l’autogovèrn d’Hong Kong. Lo partit se deguèt dissòlver en 2020.
La velhada aviá amassat environ 20 000 personas a Victoria Park, un dels pargues centrals del territòri semiautonòm. La polícia i identifiquèt 26 activistas, dont los quatre mençonats son estats condemnats. D’autres dos activistas —Nathan Law e Sunny Cheung— son partits en exili.
La velha s’èra tenguda lo 4 de junh de 2020 e èra enebida a causa de las restriccions per combatre la pandemia de la covid-19.
Segon Nathan Law, la senténcia l’a ocasionada lo desir de las autoritats de manténer en preson los opausants al govèrn pròchinés d’Hong Kong.
Aquesta nòva es adaptada de Nationalia, amb qui Jornalet ten un acòrdi de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueste infant xinès de la foto, quan passà assò de Tiananmen non auria encara nascut.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari