La Justícia d’Irlanda del Nòrd a conclús que los dètz civils mòrts entre lo 9 e l’11 d’agost de 1971 dins lo quartièr de Bhaile Uí Mhurchú (en anglés Ballymurphy) èran “entièrament innocents”.
 
La jutgessa Siobhan Keegan presentèt dimars las conclusions de l’enquista que comencèt en novembre de 2018: se determina que las victimas èran “entièrament innocents d’aver comés un delicte lo jorn en question” e que los soldats tirèron sens cap de sòrta de justificacion.
 
Lo massacre comencèt lo 9 d’agost de 1971, quand l’armada intrèt dins las zònas republicanas tanlèu après l’instauracion d’una lei que permetiá d’arrestar e internar tota persona sospechada d’èsser de l’IRA. Entre lo 9 e l’11 d’agost tuèron 10 personas dins lo quartièr de Bhaile Uí Mhurchú, a Belfast. A partir d’alavetz aquel trist eveniment se coneisseriá coma lo Massacre de Ballymurphy.
 
Demest las victimas i aviá un prèire qu’ensajava d’ajudar los nafrats, e la maire d’uèch filhs. L’armada britanica fusilhèt nòu personas, mas la jutgessa a pas pogut establir qual tirèt sus la desena victima.
 
L’encargada de la justícia d’Irlanda del Nòrd, Naomi Long, a partejat sus son compte de Twitter que las familhas “an degut luchar tròp dur e pendent tròp de temps” per aquel verdicte, e demanda ara las excusas del govèrn britanic.


 

The Ballymurphy families have had battle too hard and too long to finally hear that truth at today's inquest ruling into their loved ones' deaths.

They have carried themselves with courage and fortitude throughout the last 50 years.

This is vindication of their fight. https://t.co/ksEi7XMey3

— Naomi Long MLA (@naomi_long) May 11, 2021