Actualitats
Quilhan: los abitants refusan l’installacion d’un casièr automatic Amazon
Lo conselh municipal e la populacion son decidits a luchar contra aquel projècte
Per letra recomandada, la multinacionala Amazon a informat lo cònsol de la comuna de Quilhan (Rasés) qu’un casièr de distribucion automatic seriá installat dins la gara desafectada de la vila. Sembla que l’SNCF auriá donat son autorizacion per o far. Aqueles casièrs son de dispositius que permeton als crompaires de produches Amazon de collectar lors comandas.
L’informacion rapidament a creat una esmoguda negativa dins la populacion de la vila que patís dempuèi dos decennis d’una crisi industrioeconomica terribla, doblada d’un abandon dels servicis publics. D’efièch, sens comptar la concurréncia inequitabla del gigant de la venda per Internet contra los comèrcis locals, l’installacion d’aquel casièr privariá los ponches de distribucion classics de paquets de la comuna d’ofrir aquel servici. Se sap que los comèrcis de proximitat multiservicis foncionan gràcias a la transversalitat: aital una persona que ven quèrre son paquet Amazon dins una botiga sovent o aprofiècha per se crompar qualques bonas, un jornal, o d’articlòts.
L’aspècte cinic d’aquela marrida nòva es l’endrech previst per installar lo casièr automatic: la gara de Quilhan que l’SCNF ne barrèt la linha en 2018.
Lo conselh municipal e la populacion son decidits a luchar contra aquel projècte. La comuna de Quilhan es la proprietària fonzièra de l’estacion ferroviària, çò que benlèu permetrà de contestar aquel projècte d’installacion. D’autre caire, de ciutadans fan circular una peticion.
Sembla que pauc a pauc s’aprigondisca çò que serà lo Mond pòstcovid: un univèrs ont los umans se definisson exclusivament coma d’elements economics, de consumaires en linha dins una societat sens contactes umans contrarotlada per GAFAM.
TL
L’informacion rapidament a creat una esmoguda negativa dins la populacion de la vila que patís dempuèi dos decennis d’una crisi industrioeconomica terribla, doblada d’un abandon dels servicis publics. D’efièch, sens comptar la concurréncia inequitabla del gigant de la venda per Internet contra los comèrcis locals, l’installacion d’aquel casièr privariá los ponches de distribucion classics de paquets de la comuna d’ofrir aquel servici. Se sap que los comèrcis de proximitat multiservicis foncionan gràcias a la transversalitat: aital una persona que ven quèrre son paquet Amazon dins una botiga sovent o aprofiècha per se crompar qualques bonas, un jornal, o d’articlòts.
L’aspècte cinic d’aquela marrida nòva es l’endrech previst per installar lo casièr automatic: la gara de Quilhan que l’SCNF ne barrèt la linha en 2018.
Lo conselh municipal e la populacion son decidits a luchar contra aquel projècte. La comuna de Quilhan es la proprietària fonzièra de l’estacion ferroviària, çò que benlèu permetrà de contestar aquel projècte d’installacion. D’autre caire, de ciutadans fan circular una peticion.
Sembla que pauc a pauc s’aprigondisca çò que serà lo Mond pòstcovid: un univèrs ont los umans se definisson exclusivament coma d’elements economics, de consumaires en linha dins una societat sens contactes umans contrarotlada per GAFAM.
TL
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Solidaritat amb los de Quilhan!
Totis amassa contra lor monde falord!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari