Actualitats
Glasgow: una granda mobilizacion ciutadana a empedit l’expulsion de dos migrants
Jol crit “son nòstres vesins, daissatz-los partir” de centenats d’abitants an capitat a revirar la decision de las autoritats d’immigracion del Reialme Unit
Tèxte legit
De centenats d’abitants de Glasgow (o Glaschu en gaelic) an empachat l’expulsion de dos migrants qu’avián sollicitat de l’administracion britanica l’asil politic, çò rapòrta The Guardian.
Las autoritats d’immigracion del Reialme Unit detenguèron dijòus dos òmes d’origina indiana per los repatriar. Sul pic, de centenats de personas, dont de representants d’organizacions umanitàrias, prenguèron las carrièras per protestar contra la detencion jol crit “son nòstres vesins”. Las autoritats d’immigracion demandèron l’ajuda de la polícia escocesa. Sus plaça, la polícia suggeriguèt de liberar los dos òmes per protegir la seguretat publica. Fin finala, lo ministèri de l’Interior britanic permetèt lor liberacion. Quand foguèron desliurats, qualques manifestants acompanhèron los detenguts a la mosqueta, car son de tradicion musulmana e foguèron arrestats precisament lo jorn de la fin del Ramadan. Las autoritats escocesas an celebrat la mobilizacion ciutadana e la decision de la polícia.
Demest los manifestants se trobava Aamer Anwar, conegut en Catalonha per èsser l’avocat qu’a defendut Clara Ponsatí, èx-ministra de l’ensenhament de la Generalitat de Catalonha e ara exiliada.
La primièra ministra escocesa, Nicola Sturgeon, a saludat lo ròtle de la polícia de son país e a acusat lo govèrn de Boris Johnson d’aver creat una “situacion perilhosa”. Sturgeon, que revendica per Escòcia las competéncias en politicas migratòrias, a dich que dobririá una enquista per esclarzir l’accion del Ministèri de l’Interior britanic, en prometant d’ajudar los dos indians.
Fa qualques jorns, Boris Jonhson anoncièt un durciment de las politicas migratòrias per “refortir las frontièras del Reialme Unit” e “dissuadir los delinquents que facilitan de viatges perilhoses e illegals”.
Las autoritats d’immigracion del Reialme Unit detenguèron dijòus dos òmes d’origina indiana per los repatriar. Sul pic, de centenats de personas, dont de representants d’organizacions umanitàrias, prenguèron las carrièras per protestar contra la detencion jol crit “son nòstres vesins”. Las autoritats d’immigracion demandèron l’ajuda de la polícia escocesa. Sus plaça, la polícia suggeriguèt de liberar los dos òmes per protegir la seguretat publica. Fin finala, lo ministèri de l’Interior britanic permetèt lor liberacion. Quand foguèron desliurats, qualques manifestants acompanhèron los detenguts a la mosqueta, car son de tradicion musulmana e foguèron arrestats precisament lo jorn de la fin del Ramadan. Las autoritats escocesas an celebrat la mobilizacion ciutadana e la decision de la polícia.
Demest los manifestants se trobava Aamer Anwar, conegut en Catalonha per èsser l’avocat qu’a defendut Clara Ponsatí, èx-ministra de l’ensenhament de la Generalitat de Catalonha e ara exiliada.
La primièra ministra escocesa, Nicola Sturgeon, a saludat lo ròtle de la polícia de son país e a acusat lo govèrn de Boris Johnson d’aver creat una “situacion perilhosa”. Sturgeon, que revendica per Escòcia las competéncias en politicas migratòrias, a dich que dobririá una enquista per esclarzir l’accion del Ministèri de l’Interior britanic, en prometant d’ajudar los dos indians.
Fa qualques jorns, Boris Jonhson anoncièt un durciment de las politicas migratòrias per “refortir las frontièras del Reialme Unit” e “dissuadir los delinquents que facilitan de viatges perilhoses e illegals”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Embé tant pauc d'umanitat e emb aquesta òdi (se non racisme), me demandi veraiament se siatz pas la persona que se deuriá èstre expulsada
An ren a far aquí, es normal de los expulsar.
Quune contraste ambe l'ambiença politica e ciutadana francesa! Me fa creire encara un pauc en l'umanitat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari