Actualitats
Eth Conselh Generau d’Aran qu’a creat eth Conselh Consultatiu der Aranés
Era sindica d’Aran demane a toti es conselhèrs de trabalhar amassa “entà evitar era desaparicion der aranés”
Tèxte legit
Eth Conselh Generau d’Aran qu’a creat eth Conselh Consultatiu der Aranés, un organisme “de conselh e consulta en matèria de politica e planificacion lingüistiques”. Era tòca qu’ei de trabalhar entara vitalitat sociau der aranés e de conselhar era maximau institucion aranesa ena prenuda de decisions, accions e projèctes en questions lingüistiques, çò arrepòrte eth quite Conselh Generau d’Aran. Era creacion d’aguest organisme s’aprovèc diuendres damb es vòtes favorables d’Unitat d’Aran e es abstencions de Convergéncia Democratica Aranesa.
Es membres d’aqueth Conselh Consultatiu der Aranés son, segons era sindica d’Aran, Maria Vergés, “professionaus de reconeishut prestigi, e trajectòria, autors de nombroses publicacions e coneishedors dera nòsta lengua e der encastre occitan, membres de diuèrses universitats e organismes, coma era Universitat dera Sorbona o era Universitat de Lhèida”.
Er organisme analisarà es factors que tanhen ara vitalitat sociau dera lengua, proposarà trabalhs de recèrca e arrepòrts, analisarà tanben es accions de política lingüistica qu’agen incidéncia en Aran, cossent damb er objectiu de promòir er emplec e coneishement der aranés, e dessenharà accions e politiques entà promòir er emplec dera lengua en toti es encastres dera societat aranesa, e entara disponibilitat de productes e servicis en aranés.
En aguest sens, era sindica remercaue “eth besonh imperiós de non emplegar era lengua coma esturment politic, entà assegurar-ne era continuitat” e a demanat a toti es conselhèrs e conselhères deth Plen deth Conselh Generau d’Aran de “trabalhar conjuntament entà evitar era desaparicion der aranés”.
Es membres d’aqueth Conselh Consultatiu der Aranés son, segons era sindica d’Aran, Maria Vergés, “professionaus de reconeishut prestigi, e trajectòria, autors de nombroses publicacions e coneishedors dera nòsta lengua e der encastre occitan, membres de diuèrses universitats e organismes, coma era Universitat dera Sorbona o era Universitat de Lhèida”.
Er organisme analisarà es factors que tanhen ara vitalitat sociau dera lengua, proposarà trabalhs de recèrca e arrepòrts, analisarà tanben es accions de política lingüistica qu’agen incidéncia en Aran, cossent damb er objectiu de promòir er emplec e coneishement der aranés, e dessenharà accions e politiques entà promòir er emplec dera lengua en toti es encastres dera societat aranesa, e entara disponibilitat de productes e servicis en aranés.
En aguest sens, era sindica remercaue “eth besonh imperiós de non emplegar era lengua coma esturment politic, entà assegurar-ne era continuitat” e a demanat a toti es conselhèrs e conselhères deth Plen deth Conselh Generau d’Aran de “trabalhar conjuntament entà evitar era desaparicion der aranés”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Segueis:
L'Espaci Occitano-Catalan que seria molt positiu per Occitania, mas tanben o seria per los Països Catalans que aurian aital un mercat cultural sustot per expandir sos productes, quasi duplicat. Sempre avem sentit dire : los fraires catalans, som la mateisa lenga, los occitans son los nostres germans, avem d'anar junts e formar un estat ensems. Doncs ara es lo moment de posar la primiera peira e de demostrar-ho en fets e non unicament en paraulas.
(Segueis). E tanben m'en oblidava, en tots los Països Catalans, causa importanta s'es vol far l'Espai Occitano-Catalan on las duas lengas poguem circular liurament en las radios e tv, videos e cassetes,...Se volem una Occitania e Països catalans units avem d'emprar la fonetic de la lenga dels trobadors, la mai entenedora per s'espandir per tota Europa coma se fosse l'Esperanto de las lengas latinas.
Una magnifica fonetica aranesa e dels trobadors per legir lo texte, pron entenedora e sensilha qu' es parla en molts d'altres locs d'Occitania, practicament en tot lo Nord Occitan, Alvernia, Lo Lemosí, lo Nontronès, lo Vivaroalpin, l'Alpin Central e Maritim, Niça, Las Valadas Occitansa d'Italia, la Gardia Piemontesa de Calabria, la Senhoria de Montpelher, Las Altas Valadas d'Arieja e D'Aude, e Bigorra, entre d'altres.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari