capçalera campanha

Actualitats

InternacionalPoliticaSocietat

Contunhan los bombardaments sus Gaza e Netanyahu avertís que cessaràn pas

De protèstas an agut luòcs dins las principalas vilas d’Occitània e del Mond entièr

Demest las bastissas destruchas i a un centre de premsa qu’aculhissiá lo sèti d’Associated Press e Al-Jazira
Demest las bastissas destruchas i a un centre de premsa qu’aculhissiá lo sèti d’Associated Press e Al-Jazira | MahmudHams / AP

Tèxte legit

Dempuèi 8 jorns, contunhan los bombardaments de l’armada israeliana sus Gaza e lo primièr ministre de l’estat d’Israèl, Benyamin Netanyahu, a avertit que cessaràn pas. Segon nòstras darrièras donadas, lo nombre de mòrts es d’almens 188 dont mai d’una cinquantena de menors. Dissabte se tenguèron cinquanta bombardaments en mens de 15 minutas. Demest las bastissas destruchas i a un centre de premsa qu’aculhissiá lo sèti d’Associated Press e Al-Jazira e la residencia familiala del cap d’Hamas en Gaza, Yahya Sinwar, qu’al moment del bombardament èra pas en cò sieu.
 
De son latz, Hamas contunha de lançar de fusadas devèrs Tel-Aviv. Dempuèi diluns passat, n’aurián lançat environ 2300 dont la mitat son estadas interceptadas per l’armada israeliana.
 
 
De protèstas pertot
 
E mai la violéncia venga dels dos costats, la diferencia desproporcionada dels atacs e lo fach que l’origina ne siá lo deslotjament de familhas palestinianas d’un quartièr istoric de Jerusalèm per de colons israelians, a descadenat de protèstas dins las principalas vilas d’Occitània e del Mond entièr. Pertot, de manifestants an denonciat los atacs de l’armada israeliana en Gaza, e las expulsions e la destruccion de lotjaments en Cisjordania e dins los quartièrs palestinians de Jerusalèm qu’an aumentat aquestes meses.
 
 
73n anniversari de la Nakba
 
Dissabte, se commemorava lo 73n anniversari de la Nakba, es a dire la percaça de mai de 700 000 palestinians desplaçats de lors tèrras en 1948. De manifestacions se tenguèron dins totes los territòris palestinians. A mai, un dels caps d’Hamas, Ismail Haniyeh, amassèt de centenats de personas lo meteis jorn a Qatar.
 
 
Biden parla amb Aabbas
 
Mentretant, lo president dels Estats Units, Joe Biden, a parlat amb lo president de l’Autoritat Nacionala Palestiniana, Mahmud Abbas, que govèrna en Cisjordania mas non pas en Gaza. Biden a soslinhat “lo besonh qu’Hamas cèsse lo lançament de fusadas” e a defendut lo “drech a se defendre” del primièr ministre Netanyahu.
 
De son caire, lo Conselh de Seguretat de las Nacions Unidas se reüniguèt dimenge d’urgéncia per analisar la situacion.

 
 


abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Politicament corrèctes
3.

Es idem qu'en setembre de 1939 quand la Wermacht a bombardat Varsovia. Mas es enebit d'o dire, emai d'o pensar, que los israelians, pecaire, son de mond "braves-tot-plen e coma cal ", aqueles.

  • 0
  • 0
Joan Albi
2.

Lo problèma ara en França es que se criticas Israèl es denonciat coma antisemit o islamo-esquèrrista. Lo pètge es barrat.

  • 3
  • 0
francesc Palma
1.

L'exèrcit SS Israelian non atura de bombardejar a la poblacion civila. Sàdics militars al servei del Govern criminal de Netanyahu, lo major criminal puei de Hitler. Perquè tothom sap que yahu non vol negociar e vol fotre totas las terras als palestinians. Cal forçar al gran criminal Netanyahu a negociar,las resolucions de l'ONU e que los iancos o veten pas, qu' es puga dialogar entre l'Estat d'Israel e los Palestins, que tanben an dret a aver son pròpi Estat.

  • 4
  • 3

Escriu un comentari sus aqueste article