Actualitats
Se demanda als ensenhaires d’istòria qu’expliquen pas la realitat lingüistica de França
Un manual del professor del cicle 3 demanda als professors que, quand expliquan l’ordenança de Villers-Cotterêts, non precisen pas que se parlava de “lengas regionalas”
Tèxte legit
Dins l’ensenhament d’istòria e d’istòria de las arts del cicle 3 (escolans de 9 a 11 ans) de l’escòla francesa, se demanda als ensenhaires que se parle pas de l’existéncia d’autras lengas territorialas que lo francés.
Un legeire nos ven d’avertir qu’atal o remarca lo libre publicat per las edicions Hatier. Dins son manual pel professor, se ditz a prepaus de l’ordenança de Villers-Cotterêts:
Lo començament de la persecucion de las lengas
L’ordenança de Villers-Cotterêts foguèt dictada lo 15 d’agost de 1539 pel rei Francés Ir de França. Lo decret enebís l’usatge de quina que siá autra lenga que lo “vulgare françois” dins los escriches judiciaris e de l’administracion, per evitar de marridas interpretacions.
L’ordenança èra dirigida contra lo latin, mas marquèt la fin de l’occitan coma lenga oficiala e anava empachar l’oficialitat d’autras lengas a mesura que s’incorporavan a la corona francesa coma lo basco, l’alemand d’Alsàcia, lo còrs, etc., pr’amor que dempuèi alavetz tota la documentacion oficiala redigida en França se fasiá en lenga francesa e s'impausava lo francés dins totes los actes publics.
L’ordenança de Villers-Cotterêts es l’eveniment mai important de regularizacion de l'administracion e de la justícia abans la Revolucion Francesa, e aguèt coma consequéncia immediata o de tèrme long la decadéncia de las lengas escrichas autras que lo francés. Pasmens, l’imposicion del francés a l’escòla arribariá pas abans la generalizacion de l’educacion obligatòria, a la fin del sègle XIX.
Un legeire nos ven d’avertir qu’atal o remarca lo libre publicat per las edicions Hatier. Dins son manual pel professor, se ditz a prepaus de l’ordenança de Villers-Cotterêts:
“Descobrir qu’en 1539, Francés Ir prenguèt la decision que serián desenant escriches en francés: del tal biais que cadun lo pòsca comprene (non precisar pas als escolans qu’a l’epòca, la majoritat de franceses parlavan de lengas regionalas”).
Lo començament de la persecucion de las lengas
L’ordenança de Villers-Cotterêts foguèt dictada lo 15 d’agost de 1539 pel rei Francés Ir de França. Lo decret enebís l’usatge de quina que siá autra lenga que lo “vulgare françois” dins los escriches judiciaris e de l’administracion, per evitar de marridas interpretacions.
L’ordenança èra dirigida contra lo latin, mas marquèt la fin de l’occitan coma lenga oficiala e anava empachar l’oficialitat d’autras lengas a mesura que s’incorporavan a la corona francesa coma lo basco, l’alemand d’Alsàcia, lo còrs, etc., pr’amor que dempuèi alavetz tota la documentacion oficiala redigida en França se fasiá en lenga francesa e s'impausava lo francés dins totes los actes publics.
L’ordenança de Villers-Cotterêts es l’eveniment mai important de regularizacion de l'administracion e de la justícia abans la Revolucion Francesa, e aguèt coma consequéncia immediata o de tèrme long la decadéncia de las lengas escrichas autras que lo francés. Pasmens, l’imposicion del francés a l’escòla arribariá pas abans la generalizacion de l’educacion obligatòria, a la fin del sègle XIX.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quauqu’un auriá las referéncias del libre ?
Veni d'apelar, m'an donat una adreça per enviar un corrièl.
Avètz aquí la pagina de contacte :
https://www.editions-hatier.fr/contact
La lenga nòstra dos còps tuada : çò primièr amb l'invasion francesa, l'anexion, l'edicte de Villers-Côtterets,lo centralisme capecian, lo centralisme jacobin, las leis Gambetta, lo senhal, la vergonha.
E ara tuada una segonda fe amb aquel saut quantic cinicament revendicat per la francescalha : avem jamai tuat l'occitan, vist que l'occitan a pas jamai existit. Lo crimi perfièch. França ne sortis blanca coma nèu. De Zemmour a Mélenchon en passant per Blanquer e la Lepenalha contentament grandàs !
#7 Es un dels devers principals dels artistas e de las gents de cultura (professors entre autres) d'assegurar tot justament la memòria dels pòbles, de totes los pòbles.
Es que dins la benlèu jà defuntada lei Molac de sanccions son previstas contra aquesta mena de negacionisme ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari