Actualitats
S’anóncia un nòu programa d’introduccion e proteccion de l’ors brun dels Pirenèus
L’ASPAP critica aquesta “decision quasi feudala presa de Brussèlas estant” e assegura qu’acceptaràn pas “amb un sorire” lo triplament de la populacion actuala de plantigrads
Tèxte legit
Los elevaires de Cosserans, Vic de Sòs e Savartés se mòstran inquiets fàcia un nòu programa d’introduccion e proteccion de l’ors brun dels Pirenèus, çò rapòrta France 3. Anonciat per setembre que ven, lo nòu projècte es dotat d’8 milions d’èuros finançats al 75% per l’Union Europèa amb la tòca de “manténer una populacion viabla d’orses bruns” segons lo plan seguent:
L’Associacion per la Salvagarda del Patrimòni d’Arièja-Pirenèus (ASPAP) critica aquesta “decision quasi feudala presa de Brusselas estant” e assegura qu’acceptaràn pas “amb un sorire” lo triplament de la populacion actuala de plantigrads.
— De setembre de 2021 a junh de 2022 analisar los mecanismes de depredacion e melhorar la proteccion dels tropèls e crear un ret de cans de proteccion. S’estudiarà l’espauriment automatic.
— De junh de 2022 a setembre de 2027 se melhorarà los “corredors ecologics de l’ors”e los mejans de proteccion dels tropèls, e se crearà una mediacion territoriala e encara un centre de ressorsas sus l’ors.
— De junh de 2022 a setembre de 2027 se melhorarà los “corredors ecologics de l’ors”e los mejans de proteccion dels tropèls, e se crearà una mediacion territoriala e encara un centre de ressorsas sus l’ors.
L’Associacion per la Salvagarda del Patrimòni d’Arièja-Pirenèus (ASPAP) critica aquesta “decision quasi feudala presa de Brusselas estant” e assegura qu’acceptaràn pas “amb un sorire” lo triplament de la populacion actuala de plantigrads.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 E quant umans tuats per d'autres umans ?
#3 Cresi que li a agut una soleta ataca despuèi la debuta de la reintroduccion, es aquò : https://cadenaser.com/ser/2008/10/24/sociedad/1224814405_850215.html
Un parèu de ponchs de sutura, ges d'espetalisacion, e era pas un passejaire era un caçaire.
Cumulat sus lo monde entièr li a quauquarren coma un mòrt per cada an.
Pòdi manco pas comparar ambé una autra causa de mortalitat perque en general lei causas que tuan sonque una persona per an son pas documentadas.
Cò qu'es segur es qu'es fòrça mens que lei trotinetas, coma diriá l'autre.
Un triplament... Triplar quauquarren qu'es quasi zerò es força aisit !
En nombres bruts es força mens impressionant. Lo projecte ditz que vòu passar de 26 adults cap a una cinquantena d'adults (ço qu'es pas un triplament, d'alhors). Per aguer une cinquantena d'ors adults partejats sus dos país.
Eslovenia a de l'ordre d'un milièr d'ors per un solet país tot pichonet. Japon es 10.000 ors dins un territòri densament poblat. Per leis Estats-Units es un mieg-milion. Etc.
#1 quant de personas tuadas per l'ors dels Pirenèus??
A la campa a la campa lo martí qu’es tornat !
Va plan, aquò rai, dins aquel nòu programa d’introduccion e proteccion del martí dins pireneus, avèm aqui un pairon que nos n’en caldrà far retiple lèu. Lo trulle refofant d’ufana melenchon ça diguèc qu’en 2050, 50% dels frances sarian metisses, escalssiguent sa menestra, frezilhava del cuòl coma garlesca endemoniada.
Rai de la color de pel, pr’aquò avèm ja entemenat lo proces d’indianizacion, ont anam paures occitans, ont ne sarà l’occitan que se parla gaireben pus, levat dins d’escassas acampadas.
Me sembla que sariá interessant d’aver un punt de vista, un vejaire seriós, pas una vistada de chinchon en flor, mas una vistada de capdelaire responsable.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari