Actualitats
Deman aurà lòc era Marcha Beret, era corsa d’esquí de hons mès importanta d’Occitània
Era grana hèsta ivernau aranesa d’esquí de hons enguan ei venguda encara mès internacionau
Que començarà deman ena Val d’Aran era 34au edicion dera Marcha Beret, era prestigiosa corsa d’esquí de hons d’estil classic que combine ara perfeccion eth naut nivèu esportiu, damb es amators e quitament damb es familhes. Coma cada an, era marcha qu’amassarà uns 1000 participaires.
Era corsa que prepause 3 distàncies: 10 km, 21 km. e 42 km. que transcorren peth Plan de Beret a 1850m de nautada.
Era grana hèsta ivernau d’esquí de hons enguan ei venguda encara mès internacionau pr’amor qu’era Marcha Beret e ei estada escuelhuda sendença entàs Campionats d’Euròpa de Longa distància dera sason 2015/2016. Ei per aquerò qu’era preparacion dera edicion d’enguan e ei estada mès intensa pr’amor dera adaptacion as exigéncies que ne compòrte era organizacion.
Ath delà, era corsa aranesa qu’ei puntuabla pera Federacion Internacionau d’Esquí (FIS) e qu’ei en calendari Euroloppet qu’amasse es marches populares d’esquí de hons mès importantes d’Euròpa.
Aué qu’a lòc er Sprint Salomon, ua pròva espectaclosa a on se realizen sèries eliminatòries de 4 corredors en un circuit cuert.
Era corsa qu’ei promoiguda peth Conselh Generau d’Aran e pera estacion d’esquí de Vaquèira, Baqueira Beret. Que compde, ath delà, damb era collaboracion der Ajuntament de Naut Aran, dera Associacion Volentaris Val d’Aran e d’auti organismes e entitats mès dera Reiau Federacion Espanhòla Espòrts d’Iuèrn e dera Federacion Catalana d’Espòrts d’Iuèrn.
FM
Era corsa que prepause 3 distàncies: 10 km, 21 km. e 42 km. que transcorren peth Plan de Beret a 1850m de nautada.
Era grana hèsta ivernau d’esquí de hons enguan ei venguda encara mès internacionau pr’amor qu’era Marcha Beret e ei estada escuelhuda sendença entàs Campionats d’Euròpa de Longa distància dera sason 2015/2016. Ei per aquerò qu’era preparacion dera edicion d’enguan e ei estada mès intensa pr’amor dera adaptacion as exigéncies que ne compòrte era organizacion.
Ath delà, era corsa aranesa qu’ei puntuabla pera Federacion Internacionau d’Esquí (FIS) e qu’ei en calendari Euroloppet qu’amasse es marches populares d’esquí de hons mès importantes d’Euròpa.
Aué qu’a lòc er Sprint Salomon, ua pròva espectaclosa a on se realizen sèries eliminatòries de 4 corredors en un circuit cuert.
Era corsa qu’ei promoiguda peth Conselh Generau d’Aran e pera estacion d’esquí de Vaquèira, Baqueira Beret. Que compde, ath delà, damb era collaboracion der Ajuntament de Naut Aran, dera Associacion Volentaris Val d’Aran e d’auti organismes e entitats mès dera Reiau Federacion Espanhòla Espòrts d’Iuèrn e dera Federacion Catalana d’Espòrts d’Iuèrn.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari