Actualitats
La mediatritz de l’Union Europèa, Emily O’Reilly, ven de lançar una enquista sul “pantoflatge”
La defensora dels dreches enquistarà sus un centenat de nauts responsables de la Comission Europèa que son passats de l’executiu al sector privat
Tèxte legit
Del burèu de la defensora dels dreches europèa estant, s’examinarà un centenat de nauts responsables de la Comission Europèa que son passats de l’executiu al sector privat, mai que mai dins los departaments economics.
Pendent sa conferéncia de premsa annadièra, O’Reilly a criticat qu’a l’executiu europèu se comprenga “pas que lo pantoflatge es un problèma”. Dins aquel sens, vei “problematic” que la Comission Europèa “sosestime” l’impacte “potencialament corrosiu” d’aquela practica. “Pòt damatjar sa reputacion”, çò a avertit.
Aquela practica es enebida per la lei dins l’estat francés. Pasmens, dins l’estat espanhòl es especialament escandalosa. Dels govèrns de Felipe González, José María Aznar e José Luis Rodríguez Zapatero, tres ministres sus dètz an agut d’emplecs privilegiats dins d’entrepresas privadas. Lo quites José María Aznar e Felipe González an fach partida dels conselhs d’administracion de grandas societats de gas e electricitat privadas.
[PRESS RELEASE] We have launched a broad inquiry into how @EU_Commission handles #revolvingdoors cases among its staff.
— European Ombudsman (@EUombudsman) May 18, 2021
We will inspect 100 files related to decisions on new employment or unpaid leave to undertake another activity.
https://t.co/4K42QVtkxZpic.twitter.com/vCpkJgmm2e
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pantoflatge, de pantofle, de s’enganar pas ambe patofle = popin s’empopina jornalet = ven patofle, existís tanben un autre mot amb’un quicòm de sexual, vist que se dis sonque per las femnas, es pogau (masc.) aquèla dròlla es un brave pogau (un peu replète, plantureuse, bien tournée, en anglés es « chubby ».
Cossi se dis « pantofle » ençò nòstre : Patisces es lo mot per diser « pantoufle et patins » los patisces son plan sovent portats en gròlas.çò que sembla de « patins ».
Ai ja 'tendut aquel mot, de mai Patisces es balhat per Honnorat.
Sariá alavetz far de patisçatge..patissatge e non pas de pastissatge qu’es quicòm mai...
Per las pòrtas giratòrís , anèm pas encussar pòrtas alandadas, tanplan las pòrtas damoraran giratòris
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari