Actualitats
D’èsser vegetarian es mai salutari que d’èsser carnivòr
Segon un nòu estudi scientific fach per una còla de cercaires de l’Universitat de Glasgow e publicat dins lo 28n Congrès Europèu de l’Obesitat
Segon un nòu estudi scientific, los vegetarians aurián una santat melhora que los manjaires abituals de carn. Las traças trapadas dins los primièrs confirmarián una melhora santat per luchar contra de cellulas damatjadas o encara de malautiás cronicas. L’estudi foguèt fach per una còla de cercaires de l’Universitat de Glasgow.
Aital, en l’estudi foguèron trobadas plusors traças, dichas biotraças, que son plan objectivas pr’amor que son de caracteristicas que pòdon èsser mesuradas e que se manifèstan quand i a un procès biologic. Per las mesurar cal far d’analisis de sang, d’urina o d’autres teissuts tendres.”Las biotraças pòdon senhalar d’efièches bons o marrits e son utilizadas per la lucha contra lo càncer, las malautiás cardiovascularas e mai d’una malautiá qu’arriban amb l’edat en mai d’autras condicions cronicas, çò diguèt Carlos Celis Morales, d’aquela universitat escocesa. E fins ara los avantatges salutaris d’èsser vegetarian èran pas claras”.
Aital, per assajar de melhor comprene se i aviá de diferéncias entre la dièta d’una persona que consuma abitualament de carn e la d’un vegetarian, aquela còla de cercaires analisèt la sang e l’urina de 177 723 personas e ne faguèron un estudi prigond. Las personas foguèron classificadas entre vegetarianas (que manjan pas jamai de carn o de peissum) e manjairas de carn o carnivòras. Los cercaires analisèron las biotraças a respècte de cèrtas malautiás cardiovascularas e restacadas amb lo cancèr, lo fetge, los rens e lo diabète.
E malgrat que desseparèsson las gents pr’amor de lors edat, sèxe, educacion, etnia, obesitat, consum de tabac e d’alcòol, i trobèron de diferéncias evidentas entre los dos grops de personas. Per ansin, los vegetarians avián fòrça mens de colesteròl, de marrit colesteròl, d’apolipoproteïnas dels tipes A e B (que provòcan de malautiás cardiovascularas), de CGT e d’AST, que senhalan se la cellula patiguèt una inflamacion o foguèt damatjada, d’IGF-1 (qu’entraïna mai de cancèr cellular), de proteïnas e de creatinina. En mai d’aquò, los vegetarians tanben avián un bas nivèl de colesteròl del tipe HDL, de vitamina D e de calci. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Aital, en l’estudi foguèron trobadas plusors traças, dichas biotraças, que son plan objectivas pr’amor que son de caracteristicas que pòdon èsser mesuradas e que se manifèstan quand i a un procès biologic. Per las mesurar cal far d’analisis de sang, d’urina o d’autres teissuts tendres.”Las biotraças pòdon senhalar d’efièches bons o marrits e son utilizadas per la lucha contra lo càncer, las malautiás cardiovascularas e mai d’una malautiá qu’arriban amb l’edat en mai d’autras condicions cronicas, çò diguèt Carlos Celis Morales, d’aquela universitat escocesa. E fins ara los avantatges salutaris d’èsser vegetarian èran pas claras”.
Aital, per assajar de melhor comprene se i aviá de diferéncias entre la dièta d’una persona que consuma abitualament de carn e la d’un vegetarian, aquela còla de cercaires analisèt la sang e l’urina de 177 723 personas e ne faguèron un estudi prigond. Las personas foguèron classificadas entre vegetarianas (que manjan pas jamai de carn o de peissum) e manjairas de carn o carnivòras. Los cercaires analisèron las biotraças a respècte de cèrtas malautiás cardiovascularas e restacadas amb lo cancèr, lo fetge, los rens e lo diabète.
E malgrat que desseparèsson las gents pr’amor de lors edat, sèxe, educacion, etnia, obesitat, consum de tabac e d’alcòol, i trobèron de diferéncias evidentas entre los dos grops de personas. Per ansin, los vegetarians avián fòrça mens de colesteròl, de marrit colesteròl, d’apolipoproteïnas dels tipes A e B (que provòcan de malautiás cardiovascularas), de CGT e d’AST, que senhalan se la cellula patiguèt una inflamacion o foguèt damatjada, d’IGF-1 (qu’entraïna mai de cancèr cellular), de proteïnas e de creatinina. En mai d’aquò, los vegetarians tanben avián un bas nivèl de colesteròl del tipe HDL, de vitamina D e de calci. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cresi qu'aqueste investigador s'a quedat curt e no diu la causa principala, que la carn e lo peis se podreissen per la mitat dels longs budelhs qu' avem, mai de 12 metres. Mentre los vegetals, fruitas e verduras, non. La putrefaccion provoca lo cancer de colon plan conegut. Los vegetarians no son molt amics del sistema que los considera a part: van pauc al metge, prenen productes omeopàtics o los compran en arboristerias de productes naturals. Van en certa maniera en contra del sistema mèdic amb lo que es guanhar la vida.
#10
"de la categoria numerò 9", perdon. "Cauquilha".
Es un postèr ! Un postèr d'un estudiant !
Veire EP3-33 dins https://www.eco2021.com/docs/scientific-programme.pdf?p=1235
Faire un buzz atau sus la basa d'un postèr me sembla pas seriós. Es fòrça putaclic.
Causa un pauc abituala per lei articles pro-vegan.
Per aquelei que son pas familiars ambe lo fonccionament de la comunautat scientifica, aquò es mai o mens lo classament dei fònts dau mai solide cap au mens solide:
1) "White paper" (reviewing collectiu)
2) Libre "Peer-reviewed" o de referencia
3) Article de Reviewing
4) Article "Peer-reviewed" dins per exemple Nature o Science
5) Article "Peer-reviewed" dins un jornau abituau
6) "Proceedings" d'une presentacion orala en conferència (convidat)
7) "Proceedings" d'una presentacion orale en conferència (participant)
8) "Proceedings" d'un postèr de conferència
9) Comunicacion orala de conferència/seminari sensa traça escricha
10) Comunicacion privada
Aici la nòva es basada sus quauquarren de la categoria numerò 10. Emai ven d'un estudiant.
Per faire una communicacion au public, diriáu qu'en general fau aguer au mens un article de la categoria 4 o 5.
Mai vaqui una publicacion vertadièra d'aquèu grop, basada sus lei meteissas donadas : https://academic.oup.com/eurheartj/article/42/12/1136/6032616
De segur, coma de costuma, son sonque de correlacions, o "associacions". E faire una conclusion en fòrma de de causalitat coma «èsser vegetarian es mai salutari» es fòrça discutible.
Mai es manco pas lo pièger: per iéu ço que ditz aquest estudi es que estre vegetarian es associat amb una santat **sub-optimala** : lei gens ambe lei melhors indicadors son lei gens que manjan de peis (+ formatge etc). Maugrat lo fach que son de peis britanics (fish&chips).
Mediterranean diet wins ;)
alavetz per sopar aurèm un mofil de lombarda brasucat, estropat dins una lesca pichona de cambajon de baiona, un vèire d’aiga e una ametla : lèu alestit lèu digerit !
Atal la vida !
Pensi quand mesme que d'esser vegetarien devria pas esser una obligacion. Segur que de se privar un temps de carn ameliora la santat. Dins lo temps minjavan mens de carn qu'uei. Quand l'òm vai vielh, suportam mens la carn.
Darrier la propaganda i a benleu de las arrieras pensadas que son pas totjorn de las mielhs. L'òm suprimaria de la vianda per la remplaçar per dau soja textura, a partir de produits geneticament modifiats que profitarian a de las multinacionalas coma Monsantò?.
L'òm creu se battre per la santat, l'òm sert los que dominan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari