Actualitats
En recòrdi d’Ives Còntes: autor e animator per o vivaroalpenc
Estranomenat Ives O Russo, Berinenc de Suspèr, nos va mancar. Èra stagut professor d’es escòlas, èra militant occitanista de sempre
Aquest jòus 20 de mai Yves Contes, estranomenat Ives O Russo, Berinenc de Suspèr, nos va mancar. Èra stagut professor d’es escòlas, èra militant occitanista de sempre e èra un collèga.
Un còup retirat, avia encara mai obrat per a transmission d’a lenga. Rempiacèt un parèl d’annaias l’ancian professor dau cors d’occitan vivaroalpenc mentonasc d’a classa de Terminala dau licèu Sant Jausèp de Recabruna Cap Martin (e li avèm succedit mas e corses si fan malastrosament pus en aquer licèu).
S’ocupava au Fogairon Rural, a “Maison Gavòta de Sosper” coma escrivia, de l’atalhier de suspelenc. I emparava o vivaroalpenc dintre o sieu parlar local mas talament panoccitan. De l’escotar nos recordava que se pronóncian es ‘-s’ finale de plural per e nomes, coma dintre a màger part dau país mentonasc, d’es valaias d’es Palhons e en Vesubia.
E mai, èra membre dau CA d’a Societat d’Art e de Stòria dau País Mentonasc (SAHM) qu’anava au cors de mentonasc comparar e diferents parlars dau dialècte vivaroalpenc maritime “en ca” d’aquer país occitan o mai oriental d’Occitània (a l’oèst e avansh a val Ròia).
Era tanben una piuma grana d’a literatura en occitan vivaroalpenc de l’auta valaia de Bèura (toscanizat e francizat en “Bévéra”). A laissat traças.
Avia escrich de pèças de teatre qu’una sonaia Cusir fa tot èra stagüa representaia per tots es escolans de l’atalhier de sospelenc per a Sant Joan dau 2015 a Suspèr. Nos tòrna en ment encara o principi d’a pèça:
Avia acabat d’escriure en lo 2016 Naissance d’un serment au “Golf Hôtel” de Sospel/ Naissença d’un jurament au “Gòlf Oter” de Sosper, un roman de vita qu’aviam estudiat sovent en classa dintre e collègis e licèu de Menton e mai au licèu de Recabruna. E aquele fachendas de covid-19 nos empachèron d’o veire mai per nos presentar o sieu trabalh. Vos en laissam quarque linhas:
Era totjorn lèst a venir per un eveniment occitan e per ajuar, coma una dictaia dau Centre Cultural occitan País Niçard e Alpenc dintre e valaias vesine d’es Palhons, a Corasa. L’ocasion de parlar d’un autre autor de Gavotina coma Alan Pelhon.
Mesteiran de l’occitan, respondia parier sempre present a Suspèr per presentar de vièlhe aisinas e maquinas per e fèstas d’estiu o au festin. E totjorn damb una vision pedagogica, scrivia a cada objècte o sieu nom en occitan (e en francés). Fasia de demostracions (jamai alassat, èra anat fint a l’autre bot dau departament per recuperar e salvar un telier qu’anava èsser getat per o restaurar pi).
Òme de cultura au sens figurat, o èra tanben au sens pròpre. Qu’èra membre d’a Cooperativa d’Utilizacion de Material Agricòla (CUMA) Oleïcòla de Suspèr e trabalhava a tèrra, per l’avenir.
A ceremonia serà o 25 de mai dau 2021 a 10h en la catedrala de Suspèr.
Adieu e respècte!
Laurenç Revèst
Un còup retirat, avia encara mai obrat per a transmission d’a lenga. Rempiacèt un parèl d’annaias l’ancian professor dau cors d’occitan vivaroalpenc mentonasc d’a classa de Terminala dau licèu Sant Jausèp de Recabruna Cap Martin (e li avèm succedit mas e corses si fan malastrosament pus en aquer licèu).
S’ocupava au Fogairon Rural, a “Maison Gavòta de Sosper” coma escrivia, de l’atalhier de suspelenc. I emparava o vivaroalpenc dintre o sieu parlar local mas talament panoccitan. De l’escotar nos recordava que se pronóncian es ‘-s’ finale de plural per e nomes, coma dintre a màger part dau país mentonasc, d’es valaias d’es Palhons e en Vesubia.
E mai, èra membre dau CA d’a Societat d’Art e de Stòria dau País Mentonasc (SAHM) qu’anava au cors de mentonasc comparar e diferents parlars dau dialècte vivaroalpenc maritime “en ca” d’aquer país occitan o mai oriental d’Occitània (a l’oèst e avansh a val Ròia).
Era tanben una piuma grana d’a literatura en occitan vivaroalpenc de l’auta valaia de Bèura (toscanizat e francizat en “Bévéra”). A laissat traças.
Avia escrich de pèças de teatre qu’una sonaia Cusir fa tot èra stagüa representaia per tots es escolans de l’atalhier de sospelenc per a Sant Joan dau 2015 a Suspèr. Nos tòrna en ment encara o principi d’a pèça:
— Cendrilhon va dau sartre, Pendula va dau Russo per paréisser bèla e rica.
— Pendula: Mossur o Sartre, vorria (= voiriái) quarquaren de ben! Una bèla rὸba per paréisser sempre pus joa e pus rica!
— O Russo: Non serà dificir, vego que sès vestia damb d’estraças!”
— Pendula: Mossur o Sartre, vorria (= voiriái) quarquaren de ben! Una bèla rὸba per paréisser sempre pus joa e pus rica!
— O Russo: Non serà dificir, vego que sès vestia damb d’estraças!”
Avia acabat d’escriure en lo 2016 Naissance d’un serment au “Golf Hôtel” de Sospel/ Naissença d’un jurament au “Gòlf Oter” de Sosper, un roman de vita qu’aviam estudiat sovent en classa dintre e collègis e licèu de Menton e mai au licèu de Recabruna. E aquele fachendas de covid-19 nos empachèron d’o veire mai per nos presentar o sieu trabalh. Vos en laissam quarque linhas:
“Capítol 7: Victòr e Svletana, un jorn per totjorn
Fa dos ans que Victòr s’es arrecampat au país, qu’es maïstre, que va sempre ajuar a sieu famelha e e sieus amics.
Un jorn, sa sòrre i ditz: “Aüra deves pensar a te mariar. I es totpien de brave filhas qu’aspèran un espós coma tu!
— Jamai, m’as capit? Non me parlas mai d’aquò!
— Òu! Victòr! Non t’embilar! Non capisso perque sès (triste) coma aquò!”
Faguèt de visite guidaias de Suspèr en occitan per tots publics de l’Institut d’Estudis Occitans d’es Arps Maritimas fint a d’escolans.Fa dos ans que Victòr s’es arrecampat au país, qu’es maïstre, que va sempre ajuar a sieu famelha e e sieus amics.
Un jorn, sa sòrre i ditz: “Aüra deves pensar a te mariar. I es totpien de brave filhas qu’aspèran un espós coma tu!
— Jamai, m’as capit? Non me parlas mai d’aquò!
— Òu! Victòr! Non t’embilar! Non capisso perque sès (triste) coma aquò!”
Era totjorn lèst a venir per un eveniment occitan e per ajuar, coma una dictaia dau Centre Cultural occitan País Niçard e Alpenc dintre e valaias vesine d’es Palhons, a Corasa. L’ocasion de parlar d’un autre autor de Gavotina coma Alan Pelhon.
Mesteiran de l’occitan, respondia parier sempre present a Suspèr per presentar de vièlhe aisinas e maquinas per e fèstas d’estiu o au festin. E totjorn damb una vision pedagogica, scrivia a cada objècte o sieu nom en occitan (e en francés). Fasia de demostracions (jamai alassat, èra anat fint a l’autre bot dau departament per recuperar e salvar un telier qu’anava èsser getat per o restaurar pi).
Òme de cultura au sens figurat, o èra tanben au sens pròpre. Qu’èra membre d’a Cooperativa d’Utilizacion de Material Agricòla (CUMA) Oleïcòla de Suspèr e trabalhava a tèrra, per l’avenir.
A ceremonia serà o 25 de mai dau 2021 a 10h en la catedrala de Suspèr.
Adieu e respècte!
Laurenç Revèst
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari