CAPÇALERA PAIS INVISIBLE

Actualitats

InternacionalPoliticaSocietat

Miss Univèrs: la candidata birmana denóncia la repression dins son país

Dempuèi lo còp d’estat del 1r de febrièr passat, l’armada a fusilhat de centenats de manifestants

| Reuters

Tèxte legit

La candidata birmana al títol de Miss Univèrs 2021, Thuzar Wint Lwin, a romput lo protocòl d’aquel concors internacional de beutat femenina e a denonciat la situacion que la patís son país.
 
Dins son vidèo de presentacion enviat al concors, Thuzar Wint Lwin denóncia la mòrt de centenats de manifestants après lo còp d’estat militar del 1r de febrièr passat. “Lo nòstre pòble morís en recebent las balas dels militars cada jorn. M’agradariá de demandar a totòm que se parlèsse de Birmania. Coma Miss Birmania, dempuèi lo còp d’estat n’ai parlat tant coma ai pogut”, çò ditz.
 
Dins una entrevista a The New York Times, lo manequin birman explica que “cada nuèch a la television, l’armada anóncia de nòus mandats d’arrèst contra de celebritats e d’autras personas qu’an criticat lo regim”. Per aquela rason, a paur de tornar dins son país e preferís de demorar als Estats Units, ont se ten lo concors.
 
Durant lo desfilat de vestits tradicionals se passegèt amb una aficha que demandava de pregar per Birmania. Se presentava amb un vestit prestat per la comunautat birmana residenta als Estats Units, ja que l’avion aviá perdut sa valisa.


 
 
 
 
             


abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

L'ideal de la belhesa: Bona, Belha e Valenta. Aquesta seria la meva candidata preferida.

  • 2
  • 0
Far òc, Pregar non.
2.

#1 Pregar ? A que servis de pregar ? Miraculum, miraculum ? Aquesta mòda de religiositat americana que vos convida a pregar "pray for x" "pray for n" pray for x" ..eca... es una engana que pudis son puritanisme lo mai pegós a cinquanta mètra. La pregària a JAMAI cambiat que que siague. Pregar èra lo consèlh que balhavan los curats per que las causas demòran totjorn a l'avantatge del poder. Pregar cambia pas res es una arnèsca per evitar d'agir.

  • 0
  • 1
artur quinrana i font La Codonyera (Aragon)
1.

Un exemple que nos cal seguir

  • 4
  • 0

Escriu un comentari sus aqueste article