Actualitats
L’Institut d’Estudis Araneses condemna la decision del Conselh Constitucional francés
L’acadèmia aranesa considèra qu’es un atemptat contra la riquesa lingüistica de l’occitan e dels territòris que l’emplegan
Tèxte legit
L’Institut d’Estudis Araneses-Acadèmia Aranesa de la Lenga Occitana (IEA-AALO) a publicat un manifèst que condemna la decision del Conselh Constitucional francés de censurar dos articles primordials de la dicha Lei Molac de proteccion e promocion de las lengas minorizadas, los que pertòcan l’ensenhament immersiu e los signes grafics qu’existisson pas en francés.
D’un caire, l’acadèmia aranesa soslinha que l’immersion en lengua occitana s’aplica dins l’educacion publica de la Val d’Aran dempuèi los darrièrs trenta ans e qu’aquò a pas empachat los escolans de conéisser l’espanhòl; al contrari, l’ensenhament immersiu a refortit lors capacitats lingüisticas.
D’autre caire, l’interdiccion de l’emplec d’autres signes ortografics que sián pas los de la lenga francesa es per l’institut un atemptat contra la riquesa lingüistica de l’occitan e dels territòris que l’emplegan.
En mai d’aquò, los academicians soslinhan que los articles declarats anticonstitucionals foguèron votats per la majoritat dels deputats de l’Assemblada Nacionala francesa, que son los representants del pòble e los artisans de la democracia.
D’un caire, l’acadèmia aranesa soslinha que l’immersion en lengua occitana s’aplica dins l’educacion publica de la Val d’Aran dempuèi los darrièrs trenta ans e qu’aquò a pas empachat los escolans de conéisser l’espanhòl; al contrari, l’ensenhament immersiu a refortit lors capacitats lingüisticas.
D’autre caire, l’interdiccion de l’emplec d’autres signes ortografics que sián pas los de la lenga francesa es per l’institut un atemptat contra la riquesa lingüistica de l’occitan e dels territòris que l’emplegan.
En mai d’aquò, los academicians soslinhan que los articles declarats anticonstitucionals foguèron votats per la majoritat dels deputats de l’Assemblada Nacionala francesa, que son los representants del pòble e los artisans de la democracia.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Molt ben fait e que arribe la condemna fins a tots los mejans de comunicacion franceses e al Tribunal Constitucional ultranacionalista e antidemocràtic .
Òsca als Araneses, mercés a eles ! Tota marca de solidaritat es bona de prene per nos reviscolar lo moral.
#2#1 Vertat, jà França ne tremola de paur e se prepara al pièger.
Que volem tanben l'indispensable comunicat de l'assemblada occitana tà'ns díser que ne son pas contents! MDR.
Es amb esglasiament que Paris ven d'aprene la presa de pausicion de l'Institut d’Estudis Araneses. L'alerta maximala es decretada sul territòri tot de la République. L'ora es grèva. Nossòmzanguèr, nossòmzanguèr.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari