Actualitats
Bielorussia a forçat l’aterratge d’un avion de linha per deténer un opausant
Un avion de guèrra a compelit a aterrar a Minsk un aparelh de Ryanair qu’anava d’Atènas a Vilnius
Tèxte legit
Bielorussia a mandat un avion de guèrra per forçar un avion de linha de Ryanair que transportava un activista de l’oposicion, çò rapòrta Le Monde. S’agís de Roman Protasevich, de 26 ans, qu’es detengut. L’avion, un Boeing 737 de Ryanair que menava 120 passatgièrs, èra partit d’Atènas e anava devèrs Vilnius, mas en subrevolar Bielorussia un avion militar l’a compelit a aterrar a Minsk.
Las autoritats assolidan que l’avion l’an desviat a causa de la supausada menaça d’una bomba. Totun, l’oposicion assegura que l’aterratge l’a causat una bagarra provocada per d’agents de seguretat bielorusses, presents a bòrd, que pretendián que dins l’avion i aviá un artefacte explosiu. Segon los responsables de l’aeropòrt de Minsk, la menaça de bomba èra “incorrècta”.
Tre que l’avion aterrèt a Minsk, l’Union Europèa demandèt a Bielorussia que permetèsse a l’avion de se tornar enaurar. La presidenta de la Comission Europèa, Ursula Von der Leyen, a dich qu’èra d’a fons inacceptable de forçar un avion de Ryanair per arrestar lo dissident bielorús. “Totes los passatgièrs devon contunhar lor viatge a Vilnius sul pic e se deu garentir lor seguretat”, çò a apondut. A son vejaire, “tota violacion de las nòrmas de transpòrt aerian an d’aver de consequéncias”. Qualques oras pus tard, l’avion reprenguèt son itinerari e lo ministèri public de Lituània a dobèrt una enquista per la sequestracion de l’avion.
Lo jove detengut es un èx-collaborador de Nexta, un mèdia que participèt a la granda èrsa de protèstas contra la reeleccion d’Aleksandr Lukashenko en 2020. Protasevich es tanben un estrech collaborador de l’opausanta Sviatlana Tsickanoŭskaja, qu’a condemnat la detencion: “Es evident que se tracta d’una operacion dels servicis especials”.
Lo Ministèri de l’Interior bielorús a confirmat la detencion del jornalista, que fugiguèt Bielorussia, coma Tsickanoŭskaja, e qu’a l’ora d’ara demòra en Lituània. Segon Nexta Live, lo jornalista “risca la pena de mòrt en Bielorussia”.
Las autoritats assolidan que l’avion l’an desviat a causa de la supausada menaça d’una bomba. Totun, l’oposicion assegura que l’aterratge l’a causat una bagarra provocada per d’agents de seguretat bielorusses, presents a bòrd, que pretendián que dins l’avion i aviá un artefacte explosiu. Segon los responsables de l’aeropòrt de Minsk, la menaça de bomba èra “incorrècta”.
Tre que l’avion aterrèt a Minsk, l’Union Europèa demandèt a Bielorussia que permetèsse a l’avion de se tornar enaurar. La presidenta de la Comission Europèa, Ursula Von der Leyen, a dich qu’èra d’a fons inacceptable de forçar un avion de Ryanair per arrestar lo dissident bielorús. “Totes los passatgièrs devon contunhar lor viatge a Vilnius sul pic e se deu garentir lor seguretat”, çò a apondut. A son vejaire, “tota violacion de las nòrmas de transpòrt aerian an d’aver de consequéncias”. Qualques oras pus tard, l’avion reprenguèt son itinerari e lo ministèri public de Lituània a dobèrt una enquista per la sequestracion de l’avion.
Lo jove detengut es un èx-collaborador de Nexta, un mèdia que participèt a la granda èrsa de protèstas contra la reeleccion d’Aleksandr Lukashenko en 2020. Protasevich es tanben un estrech collaborador de l’opausanta Sviatlana Tsickanoŭskaja, qu’a condemnat la detencion: “Es evident que se tracta d’una operacion dels servicis especials”.
Lo Ministèri de l’Interior bielorús a confirmat la detencion del jornalista, que fugiguèt Bielorussia, coma Tsickanoŭskaja, e qu’a l’ora d’ara demòra en Lituània. Segon Nexta Live, lo jornalista “risca la pena de mòrt en Bielorussia”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un jovenet que volia far carriera, al estil Trump non reconeissent las derrotas electoralas e qu' avia perdut las eleccions. Des de l'estranger pagat per l'OTIN es dedicava a enviar onas de radio e tv atacant a lo Gover Bielorús. E non sabia que l'avion amb el que anava volava damunt Bielorussia. Un altre cop que procuri s'informar de per on a de volar. Pardal !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari