Actualitats
Lei Molac: Bayrou denóncia “una entrepresa d’eradicacion lingüistica”
“Raiar d’un trach de pluma los decennis d’esfòrces realizats per transmetre aquelas lengas, es inconsequent, sens precedent e perilhós”, çò ditz
Tèxte legit
Dins aquela entrevista, Bayrou mastega pas sas rasons e assegura que “raiar d’un trach de pluma los decennis d’esfòrces realizats per transmetre aquelas lengas qu’apertenon al patrimòni lingüistic francés, es inconsequent, sens precedent e perilhós”.
“Daissaràn pas far aquò, e ieu tanpauc”
Bayrou soslinha que lo Conselh Constitucional a tocat “a de causas intimas [...] a la cultura de la region d’origina de cadun, a la riquesa culturala de l’ensemble francés”. Dins aquel sens ditz que los ciutadans “daissaràn pas far” e assegura qu’el tanpauc. “Serai al primièr reng dels que diràn: «De quin drech enebir una pedagogia qu’existís dempuèi de decennis, qu’a fach sas pròvas e qu’a trobat un quadre legal acceptat per totes?»“.
Contra la reforma del collègi
E mai foguèsse estat ministre de l’educacion francés, l’elegit bearnés defend vigorosament ara l’ensenhament immersiu e lo considèra fòrça eficaç.
De remembrar qu’en decembre de 2015, Bayrou participèt a la “batejada” dels novèls ensenhaires de las calandretas ont s’engatgèt a se batre per l’occitan e contra la reforma del collègi de la ministra socialista Najat Vallaud-Belkacem. En aquela escasença diguèt que la lenga occitana èra un “tresaur”, “una faiçon de veire lo Mond”. A mai, assegurèt que l’occitan èra la lenga de son paire que moriguèt quand el èra jove.
Censure de la loi Molac sur les #LanguesRégionales : Un entretien choc avec François Bayrou
— Michel Feltin-Palas (@Feltin64) May 24, 2021
Le président du Modem dénonce "une entreprise d'éradication linguistique" et annonce qu'Emmanuel Macron va prendre la situation en main pour modifier les choseshttps://t.co/m0UkgNJrMj
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fins ara aquesta entrepresa d'eradicacion linguistica engimbrada per Paris fa dos sègles (e totjorn en activitat) es de longa negada per França. Esperem de veire s'aquel Bayrou i podria vertadièrament e concrètament i cambiar quicom. I-a de que ne dobtar grandament, que, pecaire, las promèssas miraclosas e las divinas sorpresas, fa temps qu'i cresem pas pus.
#21 Vaquí çò que pensa lo Macron de las nostas lengas:
"Nous sommes le seul pays de la francophonie qui ne vit qu'en français" (20 de març de 2018)
"Mais si ouvrir une fenêtre, c’est être d’accord avec vous, on finit enfermés, mais dans vos toilettes à vous." (Responsa a un nacionalista còrse qui'u demandava d'estar mei ubèrt sus la question de la lenga còrsa, hèurer de 2018)
A de bèlas aurelhas l'amic Vairon (< *Bayrou), ça que la ieu, preferissi Emmanuel Macron perqué : 1. Es lo president. 2. Aima las lengas regionalas. 3. A lo poder de salvar las lengas, amb son poder presidencial. 4. Es un plan bèl òme.
#13 Viugut dau dedintre, en tant qu'ensenhaire de lengas, ai pas vist grand causa per l'ensenhament de l'occitan dins lo public! De tot biais, lo problema màger vèn que lei bèlei declaracion son totjorn estadas blocadas per de caps d'establiments reborsiers, qu'an totjorn inventat de causas per empachar la mesa en plaça de l'ensenhament dei lengas regionalas. Vouguèssi racontar tot çò que veguèri dins ma carriera, ma faudriá escriure mai d'un libre!
Bairou sempre a defensat l'Occitan, las escolas immersivas e l'ensenhament que fa montar lo nombre d'alumnes en Occitan, un ensenhament per tots los alumnes d'Occitania e Catalunha Nord,.... que reban classas d'Oc e en Oc.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari