Lo primèr ministre de França, Jean Castex, a missionat dos deputats per “tirar totas las consequéncias” de la decision controversiada del Conselh Constitucional de censurar “l’ensenhament immersiu”, çò rapòrta Nice-Matin. Lo primièr ministre o anoncièt dimars passat en precisant que n’esperava los resultats dins qualques setmanas. La tòca es de ne raportar las conclusions als representants dels establiments d’ensenhament en lengas minorizadas. E ditz qu’o farà amb lo ministre de l’educacion.
 
Castex tanben se felicitèt de las “avançadas màgers” que permet encara la decision del Conselh Constitucional, dont la validacion de la creacion d’un prètzfach escolar per las escòlas privadas que dispensan una escolarizacion en las lengas autoctònas autras que lo francés. “Las lengas regionalas son un astre per la Republica francesa”, çò diguèt dimars passat davant los deputats. De dire que non solament Castex es gascon (son nom se deuriá restituir coma “Castèths”) mas tanben parla catalan.
 
 
Calandreta en perilh
 
De son latz, lo ministre de l’educacion, Jean-Michel Blanquer, conegut per son combat contra las lengas, volguèt mandar un “messatge” de “man porgida” a las “estructuras que pòdon pensar que corron un risc pr’amor d’aquela decision”, coma es lo cas de Calandreta. “Anam agachar amb elas cossí se pòt progressar”, çò precisèt.
 
 

Censure partielle de la loi sur les langues régionales : @JeanCASTEX va confier à deux députés une mission afin de tirer "toutes les conséquences" de la décision du @Conseil_constit. "Les langues régionales sont une chance pour la République", assure-t-il.#DirectAN#QAGpic.twitter.com/nNyLHzCdP9 — LCP (@LCP) May 25, 2021   Les langues régionales sont une chance pour la République française. pic.twitter.com/lU9enG9Kkv — Jean Castex (@JeanCASTEX) May 25, 2021