Actualitats
Los Estats Units espionèron Merkel e sos aliats entre 2012 e 2014 amb l’ajuda de Danemarc
Durant lo darrièr mandat d’Obama, e en plen afar Snowden, l’NSA metèt jos escota los principals dirigents europèus
Tèxte legit
Los Estats Units espionèron qualques grands caps europèus entre 2012 e 2014, dont la cancelièra alemanda, Angela Merkel, amb l’ajuda dels servicis secrets de Danemarc, çò rapòrtan qualques mèdias daneses.
La ràdio publica danesa (DR) a assegurat que l’Agéncia Nacionala de la Seguretat estatsunidenca (NSA) se connectèt als cables d’Internet de Danemarc per poder espionar los principals politicians e de nauts dirigents d’Alemanha, de Suècia, Norvègia e França.
Ça que la, l’operacion de vigilància seriá pas estada possibla sens la collaboracion de l’unitat de l’intelligéncia de l’armada danesa (FE). Lo Ministèri de la Defensa de Danemarc, consultat per l’AFP, a refusat de fornir d’explicacions.
Segon la ràdio publica danesa, l’actuala ministra, Trine Bramsen, qu’assumiguèt la carga en junh de 2019, foguèt assabentada de l’afar d’espionatge en agost de l’an passat. “Las escotas sistematicas d’aliats son inacceptablas”, çò a dich sus l’antena de DR.
D’autres noms qu’apareisson demest los espionats pels Estats Units, dins lo darrièr mandat de Barack Obama, son lo ministre alemand dels afars estrangièrs d’alavetz, Frank-Walter Steinmeier; e lo cap de l’oposicion, Peer Steinbruck.
Segon la ràdio publica danesa, l’NSA poguèt accedir als messatges de tèxt, als chats e a las aplicacions de messatjariá, a las telefonadas e a tota l’activitat d’Internet (compresas las recèrcas) de las personas afectadas.
Tota l’operacion d’espionatge figura dins un rapòrt secret que l’unitat de l’intelligéncia mandèt a son cap en mai de 2015. Dins lo document, l’afar es apelat operacion Dunhammer.
L’espionatge, a l’espèra que l’Ostal Blanc se pronóncie, se produguèt en plen afar Edward Snowden. En junh de 2013, dins The Guardian e The Washington Post, l’èx-emplegat de l’NSA publiquèt divèrses documents classificats de l’agéncia. L’estiu de 2014, après passar per Hong Kong, recebèt l’asil de Moscòu.
tv
La ràdio publica danesa (DR) a assegurat que l’Agéncia Nacionala de la Seguretat estatsunidenca (NSA) se connectèt als cables d’Internet de Danemarc per poder espionar los principals politicians e de nauts dirigents d’Alemanha, de Suècia, Norvègia e França.
Ça que la, l’operacion de vigilància seriá pas estada possibla sens la collaboracion de l’unitat de l’intelligéncia de l’armada danesa (FE). Lo Ministèri de la Defensa de Danemarc, consultat per l’AFP, a refusat de fornir d’explicacions.
Segon la ràdio publica danesa, l’actuala ministra, Trine Bramsen, qu’assumiguèt la carga en junh de 2019, foguèt assabentada de l’afar d’espionatge en agost de l’an passat. “Las escotas sistematicas d’aliats son inacceptablas”, çò a dich sus l’antena de DR.
D’autres noms qu’apareisson demest los espionats pels Estats Units, dins lo darrièr mandat de Barack Obama, son lo ministre alemand dels afars estrangièrs d’alavetz, Frank-Walter Steinmeier; e lo cap de l’oposicion, Peer Steinbruck.
Segon la ràdio publica danesa, l’NSA poguèt accedir als messatges de tèxt, als chats e a las aplicacions de messatjariá, a las telefonadas e a tota l’activitat d’Internet (compresas las recèrcas) de las personas afectadas.
Tota l’operacion d’espionatge figura dins un rapòrt secret que l’unitat de l’intelligéncia mandèt a son cap en mai de 2015. Dins lo document, l’afar es apelat operacion Dunhammer.
L’espionatge, a l’espèra que l’Ostal Blanc se pronóncie, se produguèt en plen afar Edward Snowden. En junh de 2013, dins The Guardian e The Washington Post, l’èx-emplegat de l’NSA publiquèt divèrses documents classificats de l’agéncia. L’estiu de 2014, après passar per Hong Kong, recebèt l’asil de Moscòu.
tv
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Qui son LOS occitanistas ? Ieu, non coneissi que D'occitanistas. Unes son de bada-lums, e d'autres, d'èimes agusats. Generalizar un punt de vista subre un pòble, un genre o un grop social es lo principi fondamental de tota errança xenofòba…
Lo vice-president de l'epoca èra lo Joe Biden (2013). Era lo Edward Snowden que revelava aqueste sècret de la sauvia!
Ont es lo Snowden a l'ora d'ara? Vergonha!
Panem et Circenses!
Los occitanistas descobran l'aiga cauda !
Tornar sus terra urgis !
Los Estats Units espionèron Merkel e sos aliats entre 2012 e 2014 amb l’ajuda de Danemarc : e cresètz seriosament qu'o an quitat de far ?
#1 Segur que o-fasèm totes... Aquò es lo trabalh normau daus services segrets...
Aquí lo problèma ven sobtretot que o-faguèron embé la traita ajuda de Danemarc !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari