Actualitats
Alemanha reconeis que lo chaple dels pòbles herero e nama en Namibia foguèt un genocidi
Berlin ofrís un fons de compensacion d’1,1 miliard d’èuros, que d’organizacions e de caps dels dos pòbles considèran insufisent
Tèxte legit
Lo govèrn d’Alemanha a reconegut dobèrtament pel primièr còp dins l’istòria que los massacres comeses per las tropas colonialas alemandas entre 1904 e 1908 en Namibia constituiguèron un genocidi. Berlin a anonciat la creacion d’un fons de compensacion d’1,1 miliards d’èuros.
En 1904, Namibia èra una colònia de l’empèri alemand, coneguda alavetz amb lo nom d’Africa Sud-Occidentala Alemanda. Aquel an, los pòbles herero e nama se revoltèron contra las autoritats colonialas. De desenas de milièrs de personas foguèron chapladas pel regim colonial, siá après de batalhas, siá en las menant al desèrt ont moriguèron de la fam e de la set, siá en las internant dins de camps de concentracion.
Dins un comunicat oficial, lo ministre dels afars exteriors alemand, Heiko Maas, a explicat que desenant son govèrn fariá referéncia a “las atrocitats” d’aquel periòde “coma çò que foguèron vistas amb un vejaire actual: un genocidi”.
Las autoritats alemandas comencèron de reconéisser la responsabilitat d’Alemanha en aqueles massacres dins los ans 1990. Pus tard, en 2004, demandèron perdon. E en 2016 admetèron, e mai o faguèsson indirèctament, que las tropas colonialas avián comés un genocidi.
Lo comunicat explica qu’aquela reconeissença publica arriba après cinc ans de negociacions entre los govèrns alemands e namibian.
Lo fons de compensacion serà de “reconstruccion e desvolopament”. Las “comunautats afectadas pel genocidi” auràn un “ròtle crucial” dins sa definicion e execucion, çò apond lo comunicat.
Lo negociaire en cap namibian, Zed Ngavirue, a considerat que l’acòrdi es bon. Mas divèrses caps e organizacions hereros e namas, e tanben los partits de l’oposicion de Namibia, considèran que lo fons de compensacion es insufisent. Qualques unas d’aquelas voses denóncian que lo fons se pòt quitament pas considerar coma una “reparacion” en tota nòrma.
Aquesta nòva es adaptada de Nationalia, amb qui Jornalet ten un acòrdi de cooperacion
En 1904, Namibia èra una colònia de l’empèri alemand, coneguda alavetz amb lo nom d’Africa Sud-Occidentala Alemanda. Aquel an, los pòbles herero e nama se revoltèron contra las autoritats colonialas. De desenas de milièrs de personas foguèron chapladas pel regim colonial, siá après de batalhas, siá en las menant al desèrt ont moriguèron de la fam e de la set, siá en las internant dins de camps de concentracion.
Dins un comunicat oficial, lo ministre dels afars exteriors alemand, Heiko Maas, a explicat que desenant son govèrn fariá referéncia a “las atrocitats” d’aquel periòde “coma çò que foguèron vistas amb un vejaire actual: un genocidi”.
Las autoritats alemandas comencèron de reconéisser la responsabilitat d’Alemanha en aqueles massacres dins los ans 1990. Pus tard, en 2004, demandèron perdon. E en 2016 admetèron, e mai o faguèsson indirèctament, que las tropas colonialas avián comés un genocidi.
Lo comunicat explica qu’aquela reconeissença publica arriba après cinc ans de negociacions entre los govèrns alemands e namibian.
Lo fons de compensacion serà de “reconstruccion e desvolopament”. Las “comunautats afectadas pel genocidi” auràn un “ròtle crucial” dins sa definicion e execucion, çò apond lo comunicat.
Lo negociaire en cap namibian, Zed Ngavirue, a considerat que l’acòrdi es bon. Mas divèrses caps e organizacions hereros e namas, e tanben los partits de l’oposicion de Namibia, considèran que lo fons de compensacion es insufisent. Qualques unas d’aquelas voses denóncian que lo fons se pòt quitament pas considerar coma una “reparacion” en tota nòrma.
Aquesta nòva es adaptada de Nationalia, amb qui Jornalet ten un acòrdi de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es important lo reconeissament. Encara que l'Alemanha d'ara a pauc a veire amb lo chaple.
#2 Propaganda wokista...
#4 *demagòc > demagòg
#1 Un comentari demagòc !
De segur sèm totes consents que ren compensará pas lo dòu de las familhas ! Mas vautres parlatz volontariament de « remborsament » dementre que s'agís dau paiament d'un prejudice morau coma se fai d'ordinari en la justiça daus òmes desempuei totjorn. De que propausatz faire d'autre ? Que maleirosament degun podrá pas faire tornar los mòrts, sabètz...
#2
Non pas es un sit d’ultrà-esquèrra que fa sostre de son ideologia fetenta e que se servis de l’occitan per recampar mond, l’amira finala es pas la cultura occitana nimai la lenga occitana que son sonque mejans per mesarrivar a l’orgasm grandàs : la quincanèla finala entolhada, t’estonaràs brica de trobar aici que plan pauc d’occitans, liures de pensadas e de franc albiri.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari