Actualitats
Massacre de Tulsa: pas de justícia 100 ans puèi
Los agressors reüssiguèron a escafar lo chaple de las emerotècas e dels archius de la polícia. La comunautat negra refusèt de ne parlar per paur
Tèxte legit
Aqueste dimars passat, a fach 100 ans d’un dels masèls racistas pus brutals de l’istòria dels Estats Units: lo massacre de Tulsa, que tant victimas coma borrèls faguèron tombar dins la desmembrança, e jamai justícia non es estada renduda.
Dins la nuèch del 31 de mai al 1r de junh de 1921, una molonada de blancs racistas ataquèt lo quartièr de Greenwood de la vila de Tulsa (Oklahoma). Èra un prospèr quartièr abitat per de negres. Pendent 18 oras pilhèron, destruguèron e cremèron los ostals. Quitament d’avions participèron a l’ataca. Lo bilanç foguèt de 300 mòrts e de 6000 subrevivents detenguts. Desapareguèron 1250 bastissas.
Lo pretèxt n’èra la detencion d’un jove negre de 19 ans acusat d’aver secutat una joventa blanca de 17 ans. Aquelas acusacions foguèron pas jamai demostradas.
Conegut coma lo Wall Street negre, Greenwood aviá environ 10 000 abitants e de centenats de botigas, teatres, restaurants, bancas, bibliotècas, escòlas, mètges, redaccions de jornals... La destruccion provoquèt l’emigracion dels subrevivents.
Un chaple oblidat
Los atacants foguèron pas jutjats e quitament capitèron a escafar aquel crime de las emerotècas e dels archius de la polícia. La comunautat negra refusèt de ne parlar per paur. Las victimas son totjorn enterradas dins de fòssas comunas.
De soslinhar que Tulsa foguèt l’endrech causit per Donald Trump per començar sa campanha electorala de las darrièras presidencialas.
Cap de compensacion
Fa 20 ans, a l’ocasion del 80n anniversari del chaple, una comission recomandèt de pagar de compensacions a las victimas. Mas per ara s’es pas res fach.
Ara, es previst d’inaugurar dins l’estiu lo primièr musèu consagrat al masèl de Tulsa.
Dins la nuèch del 31 de mai al 1r de junh de 1921, una molonada de blancs racistas ataquèt lo quartièr de Greenwood de la vila de Tulsa (Oklahoma). Èra un prospèr quartièr abitat per de negres. Pendent 18 oras pilhèron, destruguèron e cremèron los ostals. Quitament d’avions participèron a l’ataca. Lo bilanç foguèt de 300 mòrts e de 6000 subrevivents detenguts. Desapareguèron 1250 bastissas.
Lo pretèxt n’èra la detencion d’un jove negre de 19 ans acusat d’aver secutat una joventa blanca de 17 ans. Aquelas acusacions foguèron pas jamai demostradas.
Conegut coma lo Wall Street negre, Greenwood aviá environ 10 000 abitants e de centenats de botigas, teatres, restaurants, bancas, bibliotècas, escòlas, mètges, redaccions de jornals... La destruccion provoquèt l’emigracion dels subrevivents.
Un chaple oblidat
Los atacants foguèron pas jutjats e quitament capitèron a escafar aquel crime de las emerotècas e dels archius de la polícia. La comunautat negra refusèt de ne parlar per paur. Las victimas son totjorn enterradas dins de fòssas comunas.
De soslinhar que Tulsa foguèt l’endrech causit per Donald Trump per començar sa campanha electorala de las darrièras presidencialas.
Cap de compensacion
Fa 20 ans, a l’ocasion del 80n anniversari del chaple, una comission recomandèt de pagar de compensacions a las victimas. Mas per ara s’es pas res fach.
Ara, es previst d’inaugurar dins l’estiu lo primièr musèu consagrat al masèl de Tulsa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tulsa, podria venir de Tolosa, oi ?
A Espanya hi ha els cognoms Tolsau, Tolsà , Tolosa,Tolosana, ,
Où, las pocejadas rojas, vos sentissètz visats per #1 ? Gaire estonant !
Dins los jorns venents ausissi jà aqueles animators-vedètas de la banda Sud-Radio, CNews, RMC...eca.. que sentenciosament nos van explicar al sicut d'aquel chaple que n'ia pro de la repentència e que tot aquò es exagerat e qu'es encara una provocacion dels negres e que lo racisma existis pas, levat plan segur aquel contra los blancs e qu'aquò's lo sol vertadièr escandòl, ...e patin-cofin....E los auditors complasents de telefonar en dirècte per ne tornar servir una de la mèsma aiga als animators encantats e regausits d'aquesta aprobacion compliça. Aqui la mena de transgression que fai d'audimat uèi. Pas gaujosa la debuta d'aquel sègle 21 !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari