Actualitats
Lo linx iberic, un pauc mai luènh de l’extincion
Aquesta espècia, que sonque aviá mens de 100 especimens, ara ne comptariá ja mai de 1100
L’espècia iberica de linx contunha sa recuperacion. Segon lo Ministèri espanhòl de la Transicion Ecologica, aquesta espècia, que sonque aviá mens de 100 especimens, ara ne comptariá ja mai de 1100. Aquò seriá la resulta d’una campanha de reïntroduccion de linxes noirits en captivitat e puèi liberats dins la natura pendent aquestes darrièrs vint ans. Segon aquelas donadas governamentalas, lo linx iberic auriá, en 2020, 1111 individús, un 30% de mai qu’en 2019.
Segon la vicepresidenta del govèrn espanhòl, Teresa Ribera, aquesta nòva seriá tras qu’importanta pr’amor qu’ajudarà plan a la recuperacion de l’espècia. A mai, aquela chifra de 1111 especimens de linx iberic seriá la pus nauta jamai registrada dempuèi que los cercaires comencèron de l’estudiar. “Tot l’espèr qu’aviam entraïnèt aquesta nòva plan bona, çò diguèt Ribera. En 2002 sonque demoravan mens de 100 especimens de linx iberic. Mas dempuèi l’an 2011 comencèt l’elevatge d’individús en captivitat que puèi foguèron liberats. E mai de 305 individús foguèron liberats aital fins a 2021”.
E malgrat la prudéncia de la majoritat dels cercaires sus l’avenir d’aquela espècia mamifèra predatritz, la creissença demografica del linx fa venir un pauc mai optimista sus la pròcha desaparicion de l’espècia. Cal, totun, contunhar de reïntroduire d’especimens dins la natura perque, segon çò que dison los etològs, l’espècia es pas encara fòra del dangièr d’extincion e per aquela rason lo govèrn espanhòl contunha de la considerar en perilh.
Andalosia, Extremadura e Portugal
La majoritat dels linxes iberics, çò es mai del 87% d’eles, demorarián, mai que mai, dins lo sud e l’oèst peninsulars iberics. Dins cinc nuclèus andaloses i viurián mai de la mitat de la populacion espanhòla de linxes iberics, e puèi ne trobam fins a 141 especimens en Extremadura. Pasmens, en Portugal i a tanben 140 individús. Aquò fa un total de pus de 14 nuclèus dins tota la peninsula Iberica, dont los mai importants serián los a l’entorn de la Sèrra Bruna -amb 603 linxes-, l’airal montanhós a l’entorn de la vila de Toledo (145 linxzs), la Val de Guadiana (140) e Matachel, en Extremadura (131). (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Segon la vicepresidenta del govèrn espanhòl, Teresa Ribera, aquesta nòva seriá tras qu’importanta pr’amor qu’ajudarà plan a la recuperacion de l’espècia. A mai, aquela chifra de 1111 especimens de linx iberic seriá la pus nauta jamai registrada dempuèi que los cercaires comencèron de l’estudiar. “Tot l’espèr qu’aviam entraïnèt aquesta nòva plan bona, çò diguèt Ribera. En 2002 sonque demoravan mens de 100 especimens de linx iberic. Mas dempuèi l’an 2011 comencèt l’elevatge d’individús en captivitat que puèi foguèron liberats. E mai de 305 individús foguèron liberats aital fins a 2021”.
E malgrat la prudéncia de la majoritat dels cercaires sus l’avenir d’aquela espècia mamifèra predatritz, la creissença demografica del linx fa venir un pauc mai optimista sus la pròcha desaparicion de l’espècia. Cal, totun, contunhar de reïntroduire d’especimens dins la natura perque, segon çò que dison los etològs, l’espècia es pas encara fòra del dangièr d’extincion e per aquela rason lo govèrn espanhòl contunha de la considerar en perilh.
Andalosia, Extremadura e Portugal
La majoritat dels linxes iberics, çò es mai del 87% d’eles, demorarián, mai que mai, dins lo sud e l’oèst peninsulars iberics. Dins cinc nuclèus andaloses i viurián mai de la mitat de la populacion espanhòla de linxes iberics, e puèi ne trobam fins a 141 especimens en Extremadura. Pasmens, en Portugal i a tanben 140 individús. Aquò fa un total de pus de 14 nuclèus dins tota la peninsula Iberica, dont los mai importants serián los a l’entorn de la Sèrra Bruna -amb 603 linxes-, l’airal montanhós a l’entorn de la vila de Toledo (145 linxzs), la Val de Guadiana (140) e Matachel, en Extremadura (131). (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo linx iberic, un pauc mai luènh de l’extincion ? Qué ne vira de la libertat d'opinion politica iberica ? A ieu, fins ara, me sembla en brave camin d'extincion. demandatz als preisonièrs politics actuals…
Polida bèstia, segur que la cal protegir !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari