Actualitats
La justícia europèa a tornat l’immunitat parlamentària als eurodeputats independentistas catalans
La Cort de Justícia de l’Union Europèa a acceptat las mesuras provisòrias sollicitadas pels avocats dels elegits
Tèxte legit
La justícia europèa a tornat, provisòriament, l’immunitat parlamentària als elegits independentistas catalans en exili, los eurodeputats Carles Puigdemont, Clara Ponsatí e Toni Comín. La Cort de Justícia de l’Union Europèa a acceptat las mesuras provisòrias demandadas pels avocats dels elegits e lor a tornat l’immunitat mentre qu’estúdian d’a fons lo recors que depausèron.
La cort europèa accepta rarament las mesuras provisòrias, ça que la, mas aqueste còp an pensat que los elegits catalans riscavan d’èsser detenguts dins l’estat francés s’anavan a las sesilhas que se tenon a Estrasborg a partir del 7 de junh.
Lo Parlament Europèu levèt l’immunitat parlamentària als elegits independentistas catalans en març passat , en seguida de la demanda de la Cort Suprèma espanhòla e segon un rapòrt prepausat pel bulgar d’extrèma drecha Angel Dzhambazki. Dins un vòte secret, s’aprovèt dins lo cas de Puigdemont amb 400 vòtes en favor sus 693, 248 contra e 45 abstencions. Es a dire 400 vòtes en favor de li levar l’immunitat e 293 qu’o sostenguèron pas, çò es un 42% de vòte critic. S’agissiá d’un resultat amb una fòrta oposicion politica, car i aguèt mai de vòtes desfavorables que los qu’avián anonciat los grops dels Verds-ALE e de l’Esquèrra Unitària Europèa.
La cort europèa accepta rarament las mesuras provisòrias, ça que la, mas aqueste còp an pensat que los elegits catalans riscavan d’èsser detenguts dins l’estat francés s’anavan a las sesilhas que se tenon a Estrasborg a partir del 7 de junh.
Lo Parlament Europèu levèt l’immunitat parlamentària als elegits independentistas catalans en març passat , en seguida de la demanda de la Cort Suprèma espanhòla e segon un rapòrt prepausat pel bulgar d’extrèma drecha Angel Dzhambazki. Dins un vòte secret, s’aprovèt dins lo cas de Puigdemont amb 400 vòtes en favor sus 693, 248 contra e 45 abstencions. Es a dire 400 vòtes en favor de li levar l’immunitat e 293 qu’o sostenguèron pas, çò es un 42% de vòte critic. S’agissiá d’un resultat amb una fòrta oposicion politica, car i aguèt mai de vòtes desfavorables que los qu’avián anonciat los grops dels Verds-ALE e de l’Esquèrra Unitària Europèa.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una nova bufetada en tota la cara de l'injusticia espanhola.
Una leiçon pels deputats europèus que los volguèron fòrabandir del parlament.
Cal remembrar que quand votèron, jamai lo nombre de deputats en contra de levar l'immunitat èra estat tan grand. Aquestes sauvèron lo parlament europèu de la vergonha totala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari