Actualitats
Israèl: acòrdi multicolor per fòrabandir Netanyahu après 12 ans al poder
E mai la politica israeliana faga un virament istoric, la diversitat ideologica de l’acòrdi fa preveire una coalicion fòrça instabla
Tèxte legit
Dins l’estat d’Israèl, los partit de l’oposicion an fach un acòrdi per constituir una coalicion e expulsar del poder Binjamin Netanyahu, primièr ministre dempuèi 12 ans. Segon l’acòrdi, lo drechista Naftali Bennett serà primièr ministre pendent los primièrs dos ans de legislatura e puèi cedirà sa carga al centrista Yair Lapid.
A l’acòrdi participan de partits de gaireben totas las ideologias dont l’ultradrecha, los conservators, l’esquèrra trabalhista, los progressistas pacifistas e quitament una formacion araboisraeliana. E mai la politica israeliana faga un virament istoric, la diversitat ideologica de l’acòrdi fa preveire una coalicion fòrça inestabla.
Tanlèu assabentat, lo president Reven Rivlin deu convocar una sesilha parlamentària per l’eleccion del nòu primièr ministre.
L’estat d’Israèl a fach quatre eleccions generalas dins los darrièrs dos ans davant l’incapacitat dels partits politics de se metre d’acòrdi dins un parlament fòrça fragmentat.
A l’acòrdi participan de partits de gaireben totas las ideologias dont l’ultradrecha, los conservators, l’esquèrra trabalhista, los progressistas pacifistas e quitament una formacion araboisraeliana. E mai la politica israeliana faga un virament istoric, la diversitat ideologica de l’acòrdi fa preveire una coalicion fòrça inestabla.
Tanlèu assabentat, lo president Reven Rivlin deu convocar una sesilha parlamentària per l’eleccion del nòu primièr ministre.
L’estat d’Israèl a fach quatre eleccions generalas dins los darrièrs dos ans davant l’incapacitat dels partits politics de se metre d’acòrdi dins un parlament fòrça fragmentat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Sabi pas de que pensa aquel Netanyahu, soi pas dins son cap e vos tanpauc. Remarcarètz pasmens qu'a cada revolta dels palestinians contra l'ocupacion que patissan, per un israëlian tuat i-a cent arabis que son tuats. Aquesta proporcion letala de 100 per 1 rementa desagradivament d'autres temps, d'autres luocs, e podrètz pas empachar lo mond de ne traire d'evidentas comparasons. Un chaple es un chaple. Una injusticia es una injusticia. E engana diguns de far inocentament arremarcar que lo prenom de Pol Pot èra pas Adolf e que doncas.... O que Gaza es pas un barri de Varsovia e que doncas.... eca...
#3 Benhamin Netanyahu es un criminau de segur ! Mas tant òrre que siage, crese que se pòt pas comparar embé un genocidari que pensèt tot un sistèma industriau d'exterminacion per quauque 6 milions de personas...
#2 Ben, lo Francesc de Palma compara amb rason un fascista amb un autre fascista. Netanyahu es un fascista. Lo problèma es que la societat francesa oficiala, per tentar (maladrechament) de far doblidar que foguèt pas totjorn amistosa (eufemisme !) amb los josius, enebis pavlovianament (e ipocritament) quina critica que siague contra quauqun de josiu. Podètz criticar tan que volètz tal o tal politic o dictator negre, arabi, indian, chinès, mas sustot pas un josiu ! S'avètz lo malastre de dire que i a una extrèma drecha israëliana e fascista, que l'armada israëliana practica sovent de crimis de guèrra en tota impunitat e que lo cinic Netanyahu se fot coma de sa primièra camisa del drech internacional e dels dreches umans se son pas aqueles dels josius, vos fasètz automaticament tratar de baug e de dangeros afogat del Reich Tresenc ! Es pas mon cas e pensi pas que siague aquel del Francesc tanpauc, mas l'ipocrisia politicament corrècte francèsa se dona bona consciènça en cridant al lop a qui constata que Netanyahu es un fascista.
# Ugenon compar en Netaniaju qu'assassina a la poblacion palestina e es jueu, amb Hitler qu' assassinet a cinc milions de jueus. Mercès per contestar me ,mas digas clar qu' es lo que no t'agrada del meu comentari ? Què tens simpatias pels israelians, per Hitler, o es que t'agradaria que parlés del criminal Franco que tuet solament a Mallorca a 2340 personas.
#1 Mas n'avètz pas pro de totjorn comparar tot embé l'Hitler ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari