Actualitats
Tèxas: lo discors d’una liceana contra la lei de l’avortament a gangassat la societat estatsunidenca
En luòc de legir lo discors aprovat pel licèu, Paxton Smith a revendicat lo drech de las femnas après que Tèxas votèt una lei plan restrictiva
Tèxte legit
Lo discors d’una liceana estatsunidenca a esmogut la societat estatsunidenca. Pr'amor de sos resultats brilhants, Paxton Smith èra encargada de far lo discors de fin d'annada, mas en luòc de legir un tèxt suls mèdias, que la direccion de l’establiment aviá prèviament autorizat, defendèt pendent tres minutas lo drech de las femnas a l’avortament, çò rapòrta The Guardian. La revendicacion de Smith arriba just quand l’estat de Tèxas ven d’aprovar una lei que restrenh mai encara l’avortament.
Lo discors a de milièrs de reproduccions sus TikTok e a tirat l'atencion de figuras politicas conegudas, dont Hillary Clinton qu’a saludat sus Twitter lo coratge de la gojata.
“Compte tengut dels recents eveniments, vòli pas parlar d’autra causa que siá pas çò que me concernís a l’ora d’ara, a ieu e de milions de femnas d’aqueste estat”, çò diguèt per començar. “A partir de setembre, s’enebirà l’avortament après las sièis setmanas d’emprenhament e mai siá lo resultat d’un viòl o d’un incèst”.
D’efièch, la nòva lei signada pel governador de Tèxas, Greg Abbott, interditz l’avortament a partir de la seisena setmana, quand la majoritat de las femnas sabon pas quitament que son prenses. A mai, l’enebicion fa pas cap d’excepcion e encoratja totes los ciutadans de denonciar qui creson d’aver “ajudat o promogut” un avortament.
“Ai de sòmis, d’esperanças e d’ambicions, totas las joventas n’avèm”, çò diguèt Paxton Smith. “Me terroriza de pensar que s’un jorn me manca d’anticontraceptius, se me viòlan, mas esperanças, mos esfòrces e mos sòmis seràn pas pus dignes de consideracion”, çò apondèt. “Espèri que poiretz sentir quant es ponhent e desumanizant que te lèven l’autonomia sus ton pròpri còrs”, çò concluguèt.
Lo discors a de milièrs de reproduccions sus TikTok e a tirat l'atencion de figuras politicas conegudas, dont Hillary Clinton qu’a saludat sus Twitter lo coratge de la gojata.
“Compte tengut dels recents eveniments, vòli pas parlar d’autra causa que siá pas çò que me concernís a l’ora d’ara, a ieu e de milions de femnas d’aqueste estat”, çò diguèt per començar. “A partir de setembre, s’enebirà l’avortament après las sièis setmanas d’emprenhament e mai siá lo resultat d’un viòl o d’un incèst”.
D’efièch, la nòva lei signada pel governador de Tèxas, Greg Abbott, interditz l’avortament a partir de la seisena setmana, quand la majoritat de las femnas sabon pas quitament que son prenses. A mai, l’enebicion fa pas cap d’excepcion e encoratja totes los ciutadans de denonciar qui creson d’aver “ajudat o promogut” un avortament.
“Ai de sòmis, d’esperanças e d’ambicions, totas las joventas n’avèm”, çò diguèt Paxton Smith. “Me terroriza de pensar que s’un jorn me manca d’anticontraceptius, se me viòlan, mas esperanças, mos esfòrces e mos sòmis seràn pas pus dignes de consideracion”, çò apondèt. “Espèri que poiretz sentir quant es ponhent e desumanizant que te lèven l’autonomia sus ton pròpri còrs”, çò concluguèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Se los vòles adoptar, te geines subetot pas !
Se retrobar violada puèi ne deure pagar la fauta coma se la victima ne foguèsse la colpabla, cal èsser capbord per non i entendre lo drama insostenible qu'aquò, imparablament, non pòt res mens qu'engimbrar.
Quand una femna se tròba en situacion d'avortar, jamai non es pas per ela una partida de plaser, e mantas ne demòran logtemps, plan sovent per sempre, traumatizadas. Mas de dos malaürs, causisson lo mendre, dins un mond de malaür e tant sovent elas son de victimas de la salvatjariá testosteronemica.
E quina vidassa de mèrda pòdon menar d'enfants que degun de ges de biais non a pas jamai desirats ? Es egoïsta de se pausar la question ?
Volan la libertat d'avortar tot lo temps mas que fan daus bebes avortats? Los tornan vendre per se far dau comerci e qui los crampa?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari