Lo president francés, Emmanuel Macron, a recebut un emplastre d’un ciutadan a Tinh (Valentinés). Macron fasiá una vesita oficiala e consagrava sa jornada a la restauracion e la gastronomia a la velha de la redobertura dels bars e restaurants.
 
Suls imatges podèm veire cossí Macron sortís d’una bastissa e se sarra d’un grop de ciutadans que son darrièr una barralha. Un d’eles aprofiècha l’escasença per engautar lo president francés. Los gardacòrses de Macron an detengut l’agressor sul pic e tanben una segonda persona.
 
“Deman es una granda nòva per la nacion: la redobertura de nòstres restaurants, de nòstre art de viure a la francesa, es una formidabla nòva per 68 milions de franceses”, çò diguèt davant los mèdias abans de recebre la bofa.
 
Pel primièr ministre, Jean Castex, l’incident es estat un “subresaut republican”.

 

A protestor slaps Macron in the face in the city of Tain, shouting “down with Macron” pic.twitter.com/Pnzs1HxNqD

— Ragıp Soylu (@ragipsoylu) June 8, 2021