Actualitats
Mali: lo putschista Assimi Goïta es investit president e nomena primièr ministre Choguel Kokalla Maïga
Goïta s’es engatjat a “organizar d’eleccions crediblas, justas e transparentas” en febrièr de 2022
Tèxte legit
Lo general Assimi Goïta foguèt investit president de Mali diluns passat après lo còp d’estat que lo faguèt lo 24 de mai passat. Abans aquel putsch, ont se detenguèt lo president interimari, son primièr ministre e lo ministre de la defensa, Goïta aviá dirigit un soslevament armat que capitèt a tombar l’executiu d’Ibrahim Boubacar Keïta.
Vestit de son unifòrme militar, Assimi Goïta prometèt, dins son discors, d’“organizar d’eleccions crediblas, justas e transparentas dins lo relambi previst, en respectant los engatgaments internacionals”. Lo tèrme previst per aquelas eleccions es lo 27 de febrièr de 2022.
Puèi, Goïta nomenèt primièr ministre lo cap de l’oposicion, Choguel Kokalla Maïga. Pròche de Moussa Traoré, deu ara bastir un govèrn provisòri fins a las eleccions venentas.
Maïga es un politician de 63 ans que guidèt l’agitacion sociala anteriora al còp d’estat d’agost passat. França a refusat de collaborar amb aquel nòu govèrn.
Vestit de son unifòrme militar, Assimi Goïta prometèt, dins son discors, d’“organizar d’eleccions crediblas, justas e transparentas dins lo relambi previst, en respectant los engatgaments internacionals”. Lo tèrme previst per aquelas eleccions es lo 27 de febrièr de 2022.
Puèi, Goïta nomenèt primièr ministre lo cap de l’oposicion, Choguel Kokalla Maïga. Pròche de Moussa Traoré, deu ara bastir un govèrn provisòri fins a las eleccions venentas.
Maïga es un politician de 63 ans que guidèt l’agitacion sociala anteriora al còp d’estat d’agost passat. França a refusat de collaborar amb aquel nòu govèrn.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es lo metòde Assimi, tè!
E alavetz lo G7 finança a fixat lo taus mendre d’impausicion mondial per las societats a 15%..
Los lugres d’alupats que vèsi : ahahahah mascanha vai !
Fin finala los 15% de qual los va pagar ? Saràs tu lo consumator.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari