Crisi diplomatica entre Argentina e Brasil a causa d’una cofa del president argentin, Alberto Fernández. Dijòus passat, pendent la vesita del primièr ministre espanhòl, Pedro Sánchez, Fernández volguèt apondre a son discors una citacion del prèmi Nobel de literatura Octavio Paz, mas s’enganèt de frasa en tot provocar una polemica racista.
 
“Los mexicans venon dels indians, los brasilièrs venon de la selva, mas los argentins arribèrem en naviris. E aqueles naviris venián d’Euròpa. Es aital que bastiguèrem nòstra societat”, çò afortiguèt. Puèi, conscient qu’aviá dich quicòm que pareissiá racista, demandèt excusa e assegurèt qu’èra fièr de la diversitat del continent american.
 
Sembla que la citacion d’Octavio Paz que la cercava Fernández seriá una que ditz, amb ironia, que “los mexicans descendon dels astècas, los perovians dels incas e los argentins... dels vaissèls”. Mas Fernández confondèt amb una cançon de Litto Nebbia entitolada “Llegamos de los barcos” (Arribèrem dels vaissèls). En aquela cançon declara: “Los brasilièrs sortisson de la selva, los mexicans venon dels indians, mas los argentins arribèrem dels vaissèls”.
 
Las declaracions de Fernández virèron sul pic pels rets socials de Brasil.


 

¡Inacreditável fala do presidente argentino!
Alberto Fernández: “Os mexicanos vieram dos índios, os brasileiros vieram da selva e nós os argentinos chegamos com os barcos da Europa”. pic.twitter.com/107YnOQTK3

— Maria Laura Assis (@MLauraAssis) June 9, 2021

 

Se afirmó más de una vez que “los argentinos descendemos de los barcos”. En la primera mitad del siglo XX recibimos a más de 5 millones de inmigrantes que convivieron con nuestros pueblos originarios. Es un orgullo nuestra diversidad.

— Alberto Fernández (@alferdez) June 9, 2021