Actualitats
Lo prètz de l’emplastre a Macron es de 18 meses de preson
Al moment de la gautada, Damien Tarel cridèt “Montjoie Saint-Denis!”, un crit de guèrra reialista restacat a l’extrèma drecha
Tèxte legit
Lo prètz de l’emplastre al president de França, Emmanuel Macron, es de 18 meses de preson. Pasmens, Damien Tarel, l’òme de 28 ans que dimars passat administrèt una bofa al cap de l’estat a Tinh (Valentinés), passarà 4 meses embarrat e la rèsta del temps serà jos libertat susvelhada. La justícia es estada fòrça rapida e la senténcia l’an prononciada dos jorns après los faches.
Tarel l’an jutjat per “violéncia intencionala contra un titular del poder public”. Lo ministèri public demandava 18 meses de preson, que li retirèsson lo drech de vòte pendent cinc ans, qu'aguèsse pas jamai d’accès a las armas e que li enebiguèsse d’exercir de foncions publicas. Tarel reconeguèt èsser l’autor de l’emplastre.
Al moment de la gautada, Damien Tarel cridèt “Montjoie Saint-Denis!”, un crit de guèrra reialista restacat a l’extrèma drecha. Los gardacòrses de Macron se lancèron sul pic sus l’agressor. Pasmens, lo vidèo d’aquel moment a virat pels rets socials. Saique per aquela rason lo procuraire considèra l’agression coma una “umiliacion” amb la quala Tarel voliá degradar l’imatge del president.
De son latz, Emmanuel Macron decidiguèt de far pas de denóncia e qualifiquèt l’agression d’acte “imbecil e violent”.
Tarel l’an jutjat per “violéncia intencionala contra un titular del poder public”. Lo ministèri public demandava 18 meses de preson, que li retirèsson lo drech de vòte pendent cinc ans, qu'aguèsse pas jamai d’accès a las armas e que li enebiguèsse d’exercir de foncions publicas. Tarel reconeguèt èsser l’autor de l’emplastre.
Al moment de la gautada, Damien Tarel cridèt “Montjoie Saint-Denis!”, un crit de guèrra reialista restacat a l’extrèma drecha. Los gardacòrses de Macron se lancèron sul pic sus l’agressor. Pasmens, lo vidèo d’aquel moment a virat pels rets socials. Saique per aquela rason lo procuraire considèra l’agression coma una “umiliacion” amb la quala Tarel voliá degradar l’imatge del president.
De son latz, Emmanuel Macron decidiguèt de far pas de denóncia e qualifiquèt l’agression d’acte “imbecil e violent”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vos contarai lo que faguet un amic mieu quan Manuel Fraga venguet a Palma: Anavam passetjant amb lo mieu amic per la Plaça de Cort e vegerem a un munt de gent , e verem a Fraga que nos venguet a donar la man. Lo mieu amic no li volguet donar i a mai li poset una cara de gel, jo quedet molt sorprés de la reaccion del amic e faguet lo mateis no li volguet donar la man. Fraga es quedet talhat completament e sen anet confós.
N'ei pas un prètz qu'ei un prèmi! Que l'està plan au Macron, e Benalla, eth, ne l'an pas cargat com lo Tarel, e perqué donc?
Per çò qui ei de la si-disenta umiliacion, que pensi au praube lanusquet Jean-Marc Dutouya...que n'a patit hèra e que'n pateish enqüèra!
#2 Où, où, Amicus Macronis, serias pas amoros d'aquel andolfi ? Mèfi, que lo Benalla es gelos !
#2 Tè lo trollus macronus que torna cercar lo baston per mai se faire acivadar !
Sabi pas tròp de qué ne'n pensar. Es normal de punir un òme que tusta la President Macron. Après, nòstre President a pas agut de sequelas pr'amor que sa maissa poderosa e son còl de taur li an permés de resistir amb dignitat e virilitat... segur que d'òmes coma Macron ne'n vesem pas sovent e es una fortuna que siá lo nòstre Cap d'Estat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari