capçalera campanha

Actualitats

InternacionalPoliticaSocietat

Mobilizacion de l’espanholisme contra una eventuala gràcia dels presonièrs politics catalans

Delà una manifestacion an entamenat una peticion de signaturas per las carrièras de tot l’estat espanhòl franc de Catalonha

| Adiva Koenigsberg

Tèxte legit

Après que lo president del govèrn espanhòl, lo socialista Pedro Sánchez, anoncièt qu’entamenariá una procedura per graciar los presonièrs politics catalans, los partits espanholistas de l’oposicion Partit Popular, Ciutadans e Vox, se son mobilizats contra la mesura.
 
Delà una manifestacion tenguda aquesta dimenjada a Madrid, an entamenat una peticion de signaturas, sus Internet e tanben sus de taulièrs per las carrièras de tot l’estat espanhòl franc de Catalonha.
 
De recordar qu’en 2006 faguèron una iniciativa identica contra l’estatut d’autonomia de Catalonha que menèt la Cort Constitucionala espanhòla a lo censurar en bona part. Aquel fach aluquèt alavetz lo movement independentista.
 
Cal tanben dire que l’estat espanhòl es totjorn que mai mes en question per las autoritats de l’Union Europèa. Lo 4 de junh passat, lo Conselh d’Euròpa avancèt quina seriá sa resolucion sus l’afar e demandèt a Espanha la liberacion dels presonièrs politics catalans e lo retirament del mandat d’arrèst pels exiliats. En mai d’aquò, la setmana passada, arribèron a la Cort Europèa dels Dreches Umans los primièrs recorses dels presonièrs politics catalans, après foguèron esgotats totes los procediments possibles dins l’estat espanhòl.
 
 

 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
3.

Ni puta cas, quatre ignorants e lo pus beneït que porta los xatos l'alcool de garrafa. Pesta !

  • 4
  • 0
Pitaluga
2.

Coma ditz José Múgica, ex-president d’Uruguay, en rapelant lo poèta Antonio Machado : Aquò’s l’Espanha « de charanga y pandereta ». En França se diriá la France des franchouillards, qu’es lo fons de comèrci del RN e qualques autres.
Quant al P. Sánchez corrís per que lo TEDH l’agante pas en condemnant Espanha abans que los presonièrs sortissen de preson.

  • 11
  • 1
Franc Bardòu
1.

Après que lo president del govèrn espanhòl, lo socialista Pedro Sánchez, anoncièt qu’entamenèra una procedura per graciar los presonièrs politics catalans, los partits espanholistas de l’oposicion Partit Popular, Ciutadans e Vox, se son mobilizats contra la mesura totun plan legitima d'un punt de vista democratic.

E adara qué ? Se son plan legitimament graciats los elegits e los militants catalans, totes preisonièrs politics, la fascistalha del PP, de Vox de Ciutadanos cridarà unes generals sedicioses a eradicar fisicament l'oposicion pus mendra al supremacisme racista dels espanholistas, tre lo s 17 e 18 de julhet que venon ? Per qué se prenon ? E per qué prenon los Catalans ?

N'i a encara, demestes eles, e mai demest los Franceses, pro pècs per s'imaginar qu'un pòble (definit per sa lenga) a mai de valor que d'autres, e que donc, es fait per los dominar ?

  • 19
  • 2

Escriu un comentari sus aqueste article