Actualitats
Bearn: s’organizar per defendre la Lei Molac e los dreches de la lenga occitana
Dimècres que ven, i aurà una amassada per constituir un collectiu que se bata pels dreches lingüistics e contra las consequéncias de la decision del Conselh Constitucional francés
Tèxte legit
La decision del Conselh constitucional francés a provocat la reaccion de divèrses elegits pendent las manifestacions de protèsta. Ara, se vòl bastir un collectiu per empedir que totes aqueles prepauses sián desmembrats, per forçar los elegits a complir las promessas d’ajuda e de sosten a las lengas autoctònas e velhar que la decision del Conselh constitucional non ajude pas a multiplicar las atacas contra l’occitan e contra las autras lengas que patisson lo meteis sòrt.
Dins aquel sens, una amassada es prevista dimècres de ser a Vilhèra (Palés) amb la tòca de crear un colleciu capable d’aviar d’accions e d’empachar tota accion que poiriá èsser una seguida de la decision del Conselh Constitucional francés. La sola e unica tematica es la reconeissença dels dreches de la lenga e l’objectiu de far reconéisser lo vòte de la Lei Molac e la rendre aplicabla.
Per tant, lo collectiu que resultariá d’aquela amassada se consagrariá a susvelhar las eventualas atacas que las poiriá partir la lenga nòstra, a obligar los qu’an promés de causas a èsser de paraula, a demandar la modificacion de l’article 2 de la Constitucion francesa e a permetre l’aplicacion de la Lei Molac adoptada per la majoritat dels senators e deputats.
Los primièrs signataris son: Julien Bayssac, Emilie Commarieu, Clément Flouroux, Laurenç Trobat, Domenja Lekuona, Terèsa de Boissezon, J.-Yves Lalanne, Mireille Geromé, David Grosclaude, Miquèu Camgrand-Dessus, David Bordes, Patric Mauboules, Daniel Barneix, Clément Masseillon, J.-Loup Fricker, Nathalie Cazenave, J.-Marc Grussaute , J.Francés Tisnèr, Albane Rony, Patrici Cescau.
Rendètz-vos lo 16 de junh a 20h30 a la sala dicha Lacau (escrich Lacaoü)
41bis, Avenguda Lalana
64140 Vilhèra (Palés, Bearn)
Dins aquel sens, una amassada es prevista dimècres de ser a Vilhèra (Palés) amb la tòca de crear un colleciu capable d’aviar d’accions e d’empachar tota accion que poiriá èsser una seguida de la decision del Conselh Constitucional francés. La sola e unica tematica es la reconeissença dels dreches de la lenga e l’objectiu de far reconéisser lo vòte de la Lei Molac e la rendre aplicabla.
Per tant, lo collectiu que resultariá d’aquela amassada se consagrariá a susvelhar las eventualas atacas que las poiriá partir la lenga nòstra, a obligar los qu’an promés de causas a èsser de paraula, a demandar la modificacion de l’article 2 de la Constitucion francesa e a permetre l’aplicacion de la Lei Molac adoptada per la majoritat dels senators e deputats.
Los primièrs signataris son: Julien Bayssac, Emilie Commarieu, Clément Flouroux, Laurenç Trobat, Domenja Lekuona, Terèsa de Boissezon, J.-Yves Lalanne, Mireille Geromé, David Grosclaude, Miquèu Camgrand-Dessus, David Bordes, Patric Mauboules, Daniel Barneix, Clément Masseillon, J.-Loup Fricker, Nathalie Cazenave, J.-Marc Grussaute , J.Francés Tisnèr, Albane Rony, Patrici Cescau.
Rendètz-vos lo 16 de junh a 20h30 a la sala dicha Lacau (escrich Lacaoü)
41bis, Avenguda Lalana
64140 Vilhèra (Palés, Bearn)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Un cordial salut per Groclaude un gran defensor de la lenga d'Oc. Visca !!! Se los occitans fosin una centessima com En David, Occitania ja faria temps que seria liura.
Perqué los qui son desesperats e senteishen tostemps lo besonh de deseperar los autes ?
Se n'i a qui an l'impression de non pas aver hèit çò qui calèva que s'ac vedin, en consciéncia. Mes los joens de qui parlas que'n coneishi qui non serén pas vaduts occitanistas shens la generacion d'abans e jo no'n serí pas estat shens la d'abans ...Transméter, l'ahida, l'arsec, l'energia e quauques competéncias.
D'insultar lo passat qu'ei insultar l'aviéner. Que seram çò qui bastiram çò disèva l'aute mes non seram pas jamei çò qui s'encapborrim a destrusir per decepcion personau.
Qu'ei tant aisit de deishar a'us qui vienen au darrèr lo hardèu ! Haut bolega't e hè còrda dab los uns e los autes, las uas e las autas, joens o vielhs
Amistats
Està plan planet que se luite fins a la fin perquè s'aplique la lei Molac. Visca !!!
#2 N'i credi pas mei...desolat. Qu'èi ensajat, qu'èi honhat dab los autes...en de balas. Que i a ací enjòcs qui passan la sauvaguarda de la lenga, monde qui vòlen manejar aqueths ahars mes qui se'n foten deu Biarnés. Qu'ei lo men sentit...benlèu que m'engani, mes uei que soi descorat. Lo noste darrèr espèr que son aqueths joens qui arriban, mes que'us cau deishar tribalhar! la nosta generacion qu'a hèit mei de mau de que ben, malaja!
Aürosament lo President Macron es aquí per s'assegurar que siá respectida la lei Molac. Los qu'an pas fisança en el son dins l'error.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari