CAPÇALERA PAIS INVISIBLE

Actualitats

InternacionalSocietat

Prèmi Pulitzer per la gojata qu’enregistrèt la mòrt de George Floyd

Li an autrejada una mençon especiala en reconeissença del jornalisme ciutadan e de son poder en favor de la vertat e la justícia

Tèxte legit

An autrejat una mençon especiala del prèmi Pulitzer a Darnella Frazier, una joventa de 18 ans qu’enregistrèt amb son telefòn mobil cossí lo policièr Derek Chauvin tuava George Floyd en l’estofant amb lo genolh sul còl lo mes de mai de 2020. Los imatges enregistrats per Frazier virèron dins lo Mond entièr e descadenèron de nombrosas protèstas contra lo racisme e contra las violéncias policièras.
 
Los prèmis Pulitzer son entre las reconeissenças jornalisticas mai prestigiosas del Mond. Lo guierdon autrejat a Frazier reconeis la valor del jornalisme ciutadan e son poder en favor de la vertat e la justícia.
 
Lo 25 de mai passat, a l’ocasion del primièr anniversari del crime, Darnella Frazier explicava sus Instagram qu’aquel afar li aviá cambiat la vida. “Aquel jorn cambièt mon biais de veire la vida. M’avisèri cossí es perilhós d’èsser negre als Estats Units”.

 
 



abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
3.

Una valenta femna que son video a fait que la gent prengués conciencia dels crims de la policia ionqui.

  • 0
  • 0
Enigmet
2.

Après còp, la gojata se demandèt s’auriá pas mai valgut qu’intervenguèsse. Cal pas que se calcine per aquò :
1 sabiá pas que George Floyd i anava daissar la vida ;
2 aguèsse ensajat d’intervenir, es mai que dobtós qu’aguèsse pogut arrestar los matrassaires dins lor prètzfach ;
3 gràcias a ela se sap plan çò que se passèt ;
4 la situacion es plan coneguda dels reportèrs de guèrra : prene la fòto per testimoniar o intervenir ?
Espèri que qualqu’un lo li aurà explicat.

  • 12
  • 0
Franc Bardòu
1.

Aqueste prèmi, ongan sembla respondre a la lei de securitat quasi-fascista que nos vò interdire de filmar la flicalha a mand de matrassar la populacion en manifestacion. Lo securitarisme es l'argument principal que tròba lo fascisme montant per se far valer. La páur irracionala es son carburant ordinari.

  • 14
  • 2

Escriu un comentari sus aqueste article