Actualitats
Los escolans de Masamet fan de doblatges en occitan
Maites projèctes lor foguèron presentats e cada grop poguèt causir en foncion de sas afinitats de doblar çò que li agradava mai
En seguida d’un cors que prepausava als escolans d’occitan del collègi Joan-Loís Estève de Masamet de s’interessar a l’univèrs del doblatge en occitan de filmes e de filmes d’animacion, aqueles foguèron convidats de se botar al taulièr en realizant, eles tanben, lo doblatge d’un cort vidèo d’animacion.
Maites projèctes lor foguèron presentats e cada grop poguèt causir en foncion de sas afinitats de doblar çò que li agradava mai.
Aital lo grop d’escolanas de 3a causiguèt d’escriure (o puslèu tornar escriure) un passatge del dessenh animat mondialament conegut “Bòb l’Esponga” en partent d’un canevas vidèo, puèi de lo doblar.
Podètz aicí apreciar la resulta de lor produccion (sostítols en occitan)
Lo grop d’escolans de 4a causiguèt de revirar puèi de doblar la benda anóncia del filme d’animacion de Marvel Spider-Man: IntotheSpider-Verse (en francés: Spider-Man: NewGeneration … e ben òc … article 2? Ont siás?). Aqueste filme d’animacion sortit en 2019 coneguèt un succès mondial en prepausant a l’espectator un apròchi nòu del personatge de Spider-Man, coma o foguèt prepausat dins los comics dins los ans 2000 per d’autors coma Warren Ellis o Mark Millar amb l’univèrs alternatiu UltimateSpider-Man).
Podètz aicí agachar la resulta de lor trabalh (sostítols en occitan)
O encara aicí, amb un apondon de sostítols en francés (per los e las qu’an encara besonh de las “pichòtas ròdas” en lenga nòstra)
Aqueles doblatges foguèron realizats per d’escolans que seguisson un ensenhament d’occitan d’1 ora per setmana.
L’exercici del doblatge vidèo a per avantatge de far trabalhar d’a fons e amb intensitat las competéncias fonologicas dels aprenents. Es un exercici qu’es a una de las termièras mai interessantas del teatre, ont los escolans devon absolument capitar de transmetre un messatge o una emocion amb per sol aplech la modulacion de la votz e lo ton.
De doblatges precedents
Los escolans de Masamet son pas aicí a lors primièras produccions en occitan.
En 2018-2019 los liceans realizèron lo doblatge en occitan de la benda anóncia del filme DetectiuPikachu.
En 2017-2018 los liceans realizèron un filmòt sus l’òbra de Marcela Delpastre
Guilhèm Thomas
Maites projèctes lor foguèron presentats e cada grop poguèt causir en foncion de sas afinitats de doblar çò que li agradava mai.
Aital lo grop d’escolanas de 3a causiguèt d’escriure (o puslèu tornar escriure) un passatge del dessenh animat mondialament conegut “Bòb l’Esponga” en partent d’un canevas vidèo, puèi de lo doblar.
Podètz aicí apreciar la resulta de lor produccion (sostítols en occitan)
Lo grop d’escolans de 4a causiguèt de revirar puèi de doblar la benda anóncia del filme d’animacion de Marvel Spider-Man: IntotheSpider-Verse (en francés: Spider-Man: NewGeneration … e ben òc … article 2? Ont siás?). Aqueste filme d’animacion sortit en 2019 coneguèt un succès mondial en prepausant a l’espectator un apròchi nòu del personatge de Spider-Man, coma o foguèt prepausat dins los comics dins los ans 2000 per d’autors coma Warren Ellis o Mark Millar amb l’univèrs alternatiu UltimateSpider-Man).
Podètz aicí agachar la resulta de lor trabalh (sostítols en occitan)
O encara aicí, amb un apondon de sostítols en francés (per los e las qu’an encara besonh de las “pichòtas ròdas” en lenga nòstra)
Aqueles doblatges foguèron realizats per d’escolans que seguisson un ensenhament d’occitan d’1 ora per setmana.
L’exercici del doblatge vidèo a per avantatge de far trabalhar d’a fons e amb intensitat las competéncias fonologicas dels aprenents. Es un exercici qu’es a una de las termièras mai interessantas del teatre, ont los escolans devon absolument capitar de transmetre un messatge o una emocion amb per sol aplech la modulacion de la votz e lo ton.
De doblatges precedents
Los escolans de Masamet son pas aicí a lors primièras produccions en occitan.
En 2018-2019 los liceans realizèron lo doblatge en occitan de la benda anóncia del filme DetectiuPikachu.
En 2017-2018 los liceans realizèron un filmòt sus l’òbra de Marcela Delpastre
Guilhèm Thomas
| fffff | fffff | |
| Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a. Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor… | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca per aquela plan polida iniciativa
Òsca eus dròlles e au valent collèga!
Es bona causa que s’i fasquesson los joves als doblatges, es aprenaire.
Es perda que s’i trobessa brica lo ritme de la lenga, es un punt de trabalhar çò me sembla. Mantuns collègis deurian contra-corre cap a-n-aquela escomeza e atal se far rampèu.
Cal far compte qu’una ora d’ensenhament de l’occitan per setmana es pocana, tanben contunhatz, melhoratz vos e trobaretz lo camin que balha e fa passar l’esmoguda de la lenga nòstra dins tota sa fulgor.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari