La censura de la Lei Molac, de proteccion de las lengas del país en França, inquieta un nombre considerable d’elegits. 140 parlamentaris an mandat al president Emmanuel Macron una letra dobèrta ont sollicitan de cambiar la Constitucion.
 
Demest d’autres afars, los signataris se mòstran inquiets de la menaça que los 160 centres educatius en immersion pòscan pas dobrir a la rintrada, e mai qualques unes foncionen dempuèi aperaquí 50 ans. Dins aquel sens, vòlon  saber se Macron s’assegurarà a la rintrada del respècte de las condicions pedagogicas d’aqueles establiments, dont las calandretas, après la decision del Conselh Constitucional sus la Lei Molac.
 
Per quant a la mesa en causa dels caractèrs tipografics inexistents en lenga francesa pels rèirenoms, los signants comprenon “pas que, uèi, la libertat de causida dels rèirenoms pels enfants de nòstre país pòsca èsser remesa en causa” e se demandan s’aqueles enfants seràn considerats coma “franceses”.
 
En consequéncia, sollicitan del president qu'engatge lèu-lèu una revision constitucionala que permeta al poder public “de protegir e promòure las lengas regionalas”.
 
 

Avec @moniquedemarco et 138 parlementaires, nous avons décidé de solliciter le Président de la République. Une révision constitutionnelle en faveur des langues régionales est tout à fait envisageable, si telle est l'intention d'Emmanuel Macron https://t.co/OCeukEjIudpic.twitter.com/Kevdqf2vCy

— Paul Molac (@Paul_Molac) June 15, 2021

 

---

Per mai d’informacion:
 
— Libération 17.06.2021: Langues régionales: 140 parlementaires veulent changer la Constitution
— Letra dobèrta dels parlamentaris al president Emmanuel Macron