Actualitats
Gaireben tota Occitània vòta uèi per las eleccions regionalas e departamentalas
Fòrça sondatges presàgian una victòria de l’extrèma drecha en Provença
Tèxte legit
Tota Occitània, franc d’Aran, de Mónegue e de las Valadas, vòta uèi al primièr torn de las eleccions regionalas e departamentalas. Èra previst que se tenguèsson en març e los 10 e 13 de junh, mas lo govèrn francés las a reportadas. Lo segond torn se farà la setmana que ven, lo 27 de junh. Aquestas eleccions configuran las assembladas regionalas, que son de collectitivats territorialas sens autonomia legislativa mas amb de competéncias administrativas e reglamentàrias, e los conselhs departamentals, sens autonomia legislativa tanpauc, mas amb de competéncias importantas dins los domenis socials e dels transpòrts.
Occitània es concernida per cinc regions, dont sonque la region dicha Provença-Alps Còsta d’Azur es tota dins un territòri occitan, las autras quatre administran tanben d’arpitans, de bascos, de catalans e de pòbles de lenga d’oïl.
Dins las assembladas regionalas, la mitat dels deputats los atribuiràn los resultats d’aqueste primièr torn demest las candidaturas qu’obtengan mai del 5% dels vòtes. L’autra mitat s’adjudicarà dirèctament a la lista ganhanta al segond torn. Dins lo cas qu’una lista ganhe mai del 50% al primièr torn serà pas necite d’anar al segond.
Las eleccions presidencialas de l’an venent marcan tanben aqueste vòte que s’interpretarà en bona part per aquela rason de manièra estatala.
L’extrèma drecha poiriá véncer en Provença
Los sondatges mandan un messatge d’alarma al partit LREM d’Emmanuel Macron, qu’auriá pas un bon resultat. Ça que la, l’alarma que s’es tornarmai alucada es la de l’extrèma drecha que poiriá arribar al poder dins qualques territòris. D’efièch, fòrça sondatges preveson una victòria lepenista en Provença e dins la region que ten lo nom d’Occitània i auriá un fregadís entre l’extrèma drecha e la lista de la presidenta Carole Delga.
Occitània es concernida per cinc regions, dont sonque la region dicha Provença-Alps Còsta d’Azur es tota dins un territòri occitan, las autras quatre administran tanben d’arpitans, de bascos, de catalans e de pòbles de lenga d’oïl.
Dins las assembladas regionalas, la mitat dels deputats los atribuiràn los resultats d’aqueste primièr torn demest las candidaturas qu’obtengan mai del 5% dels vòtes. L’autra mitat s’adjudicarà dirèctament a la lista ganhanta al segond torn. Dins lo cas qu’una lista ganhe mai del 50% al primièr torn serà pas necite d’anar al segond.
Las eleccions presidencialas de l’an venent marcan tanben aqueste vòte que s’interpretarà en bona part per aquela rason de manièra estatala.
L’extrèma drecha poiriá véncer en Provença
Los sondatges mandan un messatge d’alarma al partit LREM d’Emmanuel Macron, qu’auriá pas un bon resultat. Ça que la, l’alarma que s’es tornarmai alucada es la de l’extrèma drecha que poiriá arribar al poder dins qualques territòris. D’efièch, fòrça sondatges preveson una victòria lepenista en Provença e dins la region que ten lo nom d’Occitània i auriá un fregadís entre l’extrèma drecha e la lista de la presidenta Carole Delga.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#17 Mei seriosament, qu'a calut sègles tà tuar l'occitan, que voleretz que tornèsse en quinze ans ? Nada politica lingüistica n'ac poderé har, quan serén la catalana o la quebequesa.
#16 Cal precisar que l'UNESCO que se fasia tant de marrida sang per la subrevida de l'occitan a saludat amb estrambòrd l'audaciosa politica linguistica de Na Delga qu'a sauput provocar una renaissènça totala de la lenga. Vertat qu'èra tras que temps, que sem passats a dos dets de la catastrofa ! Emai la Generalitat de Catalonha, pus que regausida d'aquel reviscòl inesperat de la lenga-sòrre, a decidit sul pic d'adoptar lo metòde Delga per afortir la mantenença del catalan dins los endreches ont riscaria de s'aflaquir. Tanben Corsèga e la Republica d'Irlanda an mandat d'emissaris dins la region amenistrada per Na Delga per estudiar de mai prèp aquel cas unenc de renaissença linguistica e s'iniciar a-n-aquel programa linguistic revolucionari. Dins la longa e penecosa remontada de la lenga occitana fins a l'Empèri del Solèlh aguerem Pey de Garros, Jasmin, Mistral, Allibert, Lafont, Fontan, Castan, Roqueta, e puèi enfin, enfin, venguèt C. Delga !
#15 E a Aiacciu e a Bastia, e s'i parla còrse sus la carrèra ? Lo bilingüisme e s'ei generalizat gràcias a "la politica lingüistica vertadèra" de Corsega (# 13) ?
#14 Plan vertat ! Gràcia a la poderosa politica linguistica de C. Delga la region Occitanie s'es reoccitanizada a tota zuerta e es ara en passa de venir totalament bilingua. Sufis de se passejar per carrièiras a Tolosa, Montpelhièr, Narbona o Milhau per o-constatar : la lenga occitana restontis e senhorèja tornamai. Dins totis los domènis s'es jamai autant parlada dempuèi gaireben un sègle. Cal encara e encara saludar lo trabalh remirable de C. Delga e sa còla per aquesta promocion de l'occitan. Nos an meravilhosament probat que lo nom causit per aquela nòva region èra pas usurpat. Occitània granda serà eternament reconeissenta a la pichona "Occitanie" e a la granda C. Delga per aquesta renaissença espectaclosa de l'occitan. Quand se pensa que de romegaires dison qu'en fach i-a res d'occitan dins aquesta region, levat son nom unencament causit per donar als parisencs en vacança un vaga perfum d'exotism, aquò's de mal comprene !
#13 De quina politica lingüistica e parli ? D'ÒcTele, per exemple, finançat per las duas regions qui sabetz. De las classas bilinguas, qui son totas lo resultat de las convencions de las regions dab lo Rectorat. Aquò, que credetz que ne haré pas tot çò qui podosse tad ac suprimir, lo RN ? Lo comparèr dab Corsega ? Corsega a ua politica lingüistica d'un aute endom ? Dens l'ensenhament, qu'ei vertat; mes n'a pas nada cadena com ÒcTele, per exemple.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari