Actualitats
Nuèch de fuòc en Occitània
La situacion de fin de pandemia marca ongan las fèstas de Sant Joan
Tèxte legit
La fèsta tradicionala del fuòc en Occitània patís cada annada l’empediment que lo jorn de Sant Joan siá un jorn obrant (es solament festiu en Aran), e mai en França arriba just après la Fèsta de la Musica. Al delà, après un an de pandemia, la fèsta d’ongan patís cèrtas restriccions.
Ongan, Sant Joan es dijòus, e en cèrts endreches d’Occitània la nuèch del fuòc se tendrà dissabte, en d’autres se tenguèt dissabte passat e en d’autres es reportada al 3 de julhet. En Aran, lo fuòc serà anuèch lo protagonista a Les amb cèrtas restriccions e en Arties preferisson d’esperar encara un an, compte tengut de la situacion sanitària.
A causa de las restriccions de capacitat sus la plaça, la fèsta de Les serà retransmesa en dirècte sus Lleida TV e suls rets socials.
Patrimòni de l’UNÈSCO en Aran e Comenge
En Aran e Comenge, la fèsta a pres un vam especial après que l’UNÈSCO reconeguèt coma patrimòni immaterial de l’umanitat las “fèstas del fuòc del solstici d’estiu dels Pirenèus” de 36 comunas d’Occitània (en Comenge e Aran), de 14 de Catalonha, de 9 d’Aragon e de 3 d’Andòrra.
En fòrça endreches del país, lo fuòc s’amòrta amb la boca empastada de la Fèsta de la Musica. Mas en Aran la fèsta es fòrça viva, mai que mai a Les e a Arties ont se sèrva la tradicion de cremar eth Haro, o eth Taro, dins la nuèch mai corta de l’an, segon la tradicion. En Comenge tanben crèman del meteis biais eth Halhar o eth Har.
E mai l’UNÈSCO aja catalogadas las fèstas del fuòc jos la meteissa etiqueta, aquestas son fòrça ricas e variadas. Cada vila o vilatge las fa segon sa faiçon ancestrala, e se presentan de biaisses diferents.
Lo musèu en linha
Se pòt vesitar la version provisòria del musèu virtual de las fèstas del fuòc d’Aragon, de Catalonha e d’Occitània. Lo projècte, nomenat Prometheus, a per tòca d’èsser un espaci participatiu sus Internet ont se vòlga preservar las fèstas del fuòc d’Aran, de Comenge e de Catalonha reconegudas coma Patrimòni Cultural Immaterial per l’UNÈSCO. Lo projècte compren tanben una aplicacion per telefòns mobils intelligents e prepausarà de materials pedagogics innovants.
Lo CIRDÒC- Institut Occitan de Cultura es partenari del projècte.
Ongan, Sant Joan es dijòus, e en cèrts endreches d’Occitània la nuèch del fuòc se tendrà dissabte, en d’autres se tenguèt dissabte passat e en d’autres es reportada al 3 de julhet. En Aran, lo fuòc serà anuèch lo protagonista a Les amb cèrtas restriccions e en Arties preferisson d’esperar encara un an, compte tengut de la situacion sanitària.
A causa de las restriccions de capacitat sus la plaça, la fèsta de Les serà retransmesa en dirècte sus Lleida TV e suls rets socials.
Patrimòni de l’UNÈSCO en Aran e Comenge
En Aran e Comenge, la fèsta a pres un vam especial après que l’UNÈSCO reconeguèt coma patrimòni immaterial de l’umanitat las “fèstas del fuòc del solstici d’estiu dels Pirenèus” de 36 comunas d’Occitània (en Comenge e Aran), de 14 de Catalonha, de 9 d’Aragon e de 3 d’Andòrra.
En fòrça endreches del país, lo fuòc s’amòrta amb la boca empastada de la Fèsta de la Musica. Mas en Aran la fèsta es fòrça viva, mai que mai a Les e a Arties ont se sèrva la tradicion de cremar eth Haro, o eth Taro, dins la nuèch mai corta de l’an, segon la tradicion. En Comenge tanben crèman del meteis biais eth Halhar o eth Har.
E mai l’UNÈSCO aja catalogadas las fèstas del fuòc jos la meteissa etiqueta, aquestas son fòrça ricas e variadas. Cada vila o vilatge las fa segon sa faiçon ancestrala, e se presentan de biaisses diferents.
Lo musèu en linha
Se pòt vesitar la version provisòria del musèu virtual de las fèstas del fuòc d’Aragon, de Catalonha e d’Occitània. Lo projècte, nomenat Prometheus, a per tòca d’èsser un espaci participatiu sus Internet ont se vòlga preservar las fèstas del fuòc d’Aran, de Comenge e de Catalonha reconegudas coma Patrimòni Cultural Immaterial per l’UNÈSCO. Lo projècte compren tanben una aplicacion per telefòns mobils intelligents e prepausarà de materials pedagogics innovants.
Lo CIRDÒC- Institut Occitan de Cultura es partenari del projècte.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Eth Ostau Comengés qu'a tanben botat en linha informacions sus era Sent Joan en Comenge-Varossa e eth classament pera UNESCO. https://www.ostaucomenges.org/har.php Qu'organiza tanben mediacions enas escòlas, conferéncias publicas e partenariats dam eths organisators dera St Joan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari